Ich Nycolay^a von Amprang vergih offenbar vnd tu^oen chunt allen den, die disen brief lesent | oder ho^erent lesen, daz ich durih got vnd durih meins vater sel willen vnd aller meiner voruodern han^b gegeben vreileich vnd ledichleichen ze rehten selgræt vnser fraun ze Raitenhaslach vnd der sammung da selben allez daz, daz ich het vnd daz mir zu^e gehort an den gu^oten datz Wizzentzhart^c vnd datz Ertgru^oeb. Vnd wan mein^d mu^oem frauw^e Leukart die Schonsteterinn ze Wazzerburch^e allez vil rehtz het als ich vnd geleichen tail mit mir an den vorgenanten gu^oten, han ich den selben tail auh gegeben mit samt dem meinen alsam ze rehtem sælgræt dem vorgenantem gotzhaus mit allem dem, daz da zv^o geho^eret, beschu^oecht vnd vnbeschu^oecht, swi^d iz genant ist. Ich vergih auh, daz ich meiner mu^oemen irn tail wider legen sol vnd sol hintz ir vnd hintz ir erben dez gotzhauss ze Raitenhaslach herre vnd gewer sein fu^er all chrieg vnd fu^er all ansprache, die daz gotzhaus dar vmb angeent von meiner mu^oemen oder von ir chinden, also daz wir nimmer mer dhain||
ansprache noh dhain vingerzaigt dar nah haben oder gewinnen, sunder daz iz fu^er ledigs vnd vreiz aigen beleih dem gotzhaus an all widerred. Vnd daz daz sælgræt vnd dev red als vorgescriben^f ist, stet beleih vnd [vnjzeprochen, da v^eber gib ich dem gotzhaus ze Raitenhaslach disen prief bestetigten mit meinen insigel ze einem waren vrchu^end. Diser sache sint gezeug: her Vlr(eich) der pfarrer von Halsbach, her Vl(reich) sein verweser, Hainr(eich) der Smerbech^g, Vlr(eich) von Hallerprvk^h, Hainr(eich) der Gwikker, O^ertel dez aptz kneht, Tanchwarcht dez Amprangers kneht; bru^oder Fr(idreich) der chamerer, bru^oder Gebh(art), bru^oder Ainweich, bru^oder Ch(unrat)ⁱ der Vogel, bru^oder Lienhart, bru^oder Hainr(eich) der Matzseer vnd ander erberig zeug genu^oech. Der prief ist geben ze Raitenh(aslach) dez jarez, do von vnsers herren geburt waren drevzehen hundert jar vnd in dem dritten jar da nah, dez næhsten erigtags nah sand Gerigen tach. Daz ist geschehen pei dez ersam aptz VIr(eich) zeiten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 506, S. 421-423