Wir Hainreich vnd Eberhart von Harskirichen^a verjehen offenbar, daz wir durih vnser frauwen willen vnd durih vnser vodern | sel willen vnd auh vnsers selbs hail vnd seid vns verpfligt haben mit so^elhem gelu^eb hintz dem ersam apt Vireichen vnd hintz seinem gotzhaus ze Raitenhaslach, daz wir paide vnd vnser paiden erben vnd nahchumft immer mer ewichleichen su^eln leihen den zehent dez dorfs datz Harpollen an alle widerræd vnd an allen schaden irs gotzhauss læuten, swelich sie vns antwrten, vnd da von so hab wir den selben zehent verlihen Ch(unraten) von Taiting, Vasolten von Maierhof, Ru^egern von Westendorf, O^ertlein dez aptz kneht, also daz si in dem gotzhaus ze Raitenh(aslach) pehalten an schaden, vnd also su^eln auh vnser paider nahchu^em immer ewichleich^b tuen. Vnd dar vmb daz daz selgræt vnd der gewerift dem gotzhaus iht gechremcht wert oder zebrochen wert, so hat der ersam ritter her Reicher der vitztu^om von Rot, vor^c dem der gewerift ist geschehen, nah vnser vlig vnd grozzer pæt sein insigel mit samt vnsern insigel gelegt an disen prief ze einem waren vrchu^end. Dez sint gezeuch: her Hainr(eich) von Sweiber, her Ortneit der Tuntz, her Ch(unrat) der Rætenpechen, her Ottel von Wald^d, her Albrecht von Truchleiching^e, her Albreht von Neunkirichen^f, Dietpolt von Sweiber, Eberbein der Westerkiricher^g, der Diethtreichinger, Meingoz, Fridel der marstaller, Vl(reich) von Roræch, Ch(unrat) der scherg von O^eting, Gerunch der chammerer vnd ander zeug genu^oech. Der brief ist geben datz^h O^eting, do von Christ gebu^ert waren dreuzehen hundert jar vnd in dem dritten jar danah, dez suntags nah vnsern frauwen schidung.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 509, S. 425-426