Ich Chu^onrat, Ru^odolf sun, von Talhaim vnd Eit sein mu^oter vnd Margræt, Elzbet, Mæhthilt, | Wendel verjenen vnd tu^oen chunt allen den, die disen prief lesent oder ho^erent lesen, daz wir ze ainsgigen^a von vnser nohtichait haben geben ze chaufen dem ersam apt Vlreihen vnd sinem gotzhaus zwo hu^ob datz Frvmanso^ed(a') mit allem dem, daz da zu^o geho^ert, besu^oechtz vnd [vn]versu^oechtz^b, swi iz genant ist, vnd ainen acher datz Mitterhu^elgen^c, den der maier pauwet von Gu^otendorf^d, vnd zehen zehent haus, dev wir mit samt den oben gescriben hu^oben hæten ze rehten lehen von dem gotzhaus ze Raitenhaslach. Da zu^o vergih ich Chu^onrat vnd mein mu^oter vnd mein swester, daz wir sei gestanden von allen den ansprachen vnd chriegen, die wir heten oder ie gewnnen hintz dem gotzhaus datz Raitenh(aslach)^e, swi den was, vnd ze voderist von der ansprache vmb daz gu^ot^e datz Mitterhu^elgen, daz meinen herren von Raitenhaslach etzleich jar inn habent gehapt, dez wir schaden haben genomen. Wir veriehen auh vmb ein wis pei Dorfen, daz wir dev auh haben ze chaufen geben dem oft genanten gotzhaus ze Raitenhaslach ze rehten aigen. Wan an allem dem, daz wir verchauft haben, als oben ist gescriben^f vnd allez daz wir noh haben auf der erd, daz haben wir allez ze lehen von dem gotzhaus ze Raitenh(aslach). Vnd daz der red vnd dem chauf also sei vnd auh immer stæt beleib vnd [vn]zebrochen^g, da v^eber so hab wir gepeten vnsern herren hern Ortlieb von Wald, daz er disen prief hat versigelt mit seinem insigel^e ze einem waren vrchu^end. Dez sint zeuch: Ch(u^onrat), Ot vnd Hadmar die Talhaimer, Epp von Pu^oech, Ru^eger von Guffelhaim, Wernher von Aichen, Frid(reich) der Tarm^h, Epp an Stegen, Ortlieb dez chelner kneht, Frid(reich) Chrispelsteter, H(ainreich) Gwiker, H(ainreich) Tren, Vlsch(alch) von Scho^enperchⁱ, Ot von Chopel. Der prief ist geben datz Trosperch, do von Chritz geburt waren drevzehen hundert jar vnd in dem vierden jar da nah, an sand Gregorin tach.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 516, S. 431-432