Ich Hainreich von Ror tu^on chunt allen den, di disen brief hornt oder lesent, vnt vergih, daz her Eberhart der Chalp den I hof ze Winpozzing^a der mein reht aigen gewesen ist, von mir ze rehtem lehen hat gehabt vn[t den]^b selben hof gesetzt het seinem geswein Sigharten von Aich zv seiner swester vroen Alhaiden. Der selb Sigh[art von] Aich hat mit seiner vorgenanten hausfrawen vroen Alhaiden willen vnt auh mit ir bruder dez vorgenanten [hern Ebe]rharts willen vnt aller seiner frewnt verhegnu^es den ober genanten hof ze Winpozzing^a ze chauffen geben [dem erwærig]en abbt Vlreichen vnt seinem chloster hintze Raitenhaslach mit allem dem, daz dar zv^o gehort, gæntzleichei v[nt vreileich,] versuht [vnt vnv]ersuht, vmb ahtzehen phunt Regensburger. Vnt han ich Hainreich von Ror di [selben aigensch]aft auf ge[selt vn]t geben dem vorgenanten erwærigen abbt Vlreichein vnt dem gotshaus ze Rait[enhaslach durch] got vnt [durch] vnser fravwen willen mit meiner hausfravwen vroen Margareten gu^otem willen zv [einem sælgræt vn]ser baider vnt auh aller vnser vorvordern sei hail, vnt pin dez selben hofs ir gewer, als ich ze reht schol. [Dar vmb] auh, daz ich daz getan han, so hat her Chalihoh von Aihe vnt sein sv^on Sighart mir aufgeben ein pessarn hof [ze Ekcher]ting^c, der ir reht aigen gewesen ist, vnt habent den ze rehtem lehem von mir enphangen. Vnt dar vmb, [daz dem o]fft vorgenanten gotshaus Raitenhaslach) von mir noch von dehainem meinem frevnt dehain chrieg oder ansprach [mvg auf] gesten, gib ich in disen brief verinsigelten mit meinem insigel. Der sahhe sint zevgh: bru^oder Ilsung der prior, bru^oder Ch(unrat) der chelner, bru^oder Gebhart der Chalp, bru^oder Wahsmu^ot, bruder Vlr(eich) der Ræffs; her Fridr(eich) von Pravnaw^d, her Chaloh von Aihe^e, her Hainr(eich) von Pahhen^f, Albpreht^g dez Rorærs chelner, Ermreich, H(ainreich) der Zaglawer vnt ander bider lævt mær. Diser prief ist geben, do von Christes bu^ort waren tausent drew hvndert jar dar nah in dem vierden jar an sanct Jacobs tag datze Purchusen^h.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 529, S. 444-445