Ich Hainreich von Ror vnd ich Eberhart der Chalp verjehen offenbar vnd tu^oen chunt allen den, die disen prief lesent oder | ho^erent lesen, daz ich Eberhart der Chalp mein zwen ho^ef datz Winpezzing^a vnd datz Strazz^b, die mein lehen waren von herm H(ainreich) Ror^c, han ze chauffen geben dem ersam apt Vlreichen vnd dem gotzhaus ze Raitenhaslach mit meins vorgenanten herren hant her Heinr(eich) von Ror allev dev reht vnd nu^etz, die ich an den vorgenanten ho^euen hæt, mit allem dem, daz da zu^o geho^ert, besu^oechst vnd vnbesu^oechst, swi iz genant ist. Vnd wan der chauf also ist geschehen vnd ergann^d, han ich Hainreich von Ror mit verhennu^ess vnd gu^otem willen meiner hausfrauwen Margareten die aigenschaft der offt genanten ho^ef ze Winpezzing^a vnd datz Strazz^b, wan wir dannoh dhainen erben hæten, gegeben vnd aufgeseld vnser frauwen vnd dem gotzhaus ze Raitenhaslach ewichleich ze pesitzen vnd ze haben fu^er vreiz vnd ledigs aigens stat rehts selgrætz sam ander aigen, daz daz gotzhaus ze Raitenhaslach hat. Vnd daz der chauf vnd auh die gab der aigenschaft der oben penanten ho^ef immer ewich sei noh daz dhain chriech oder ansprach hintz dem gotzhaus ze Raitenhaslach mu^eg erfunden werden oder auf gesteen, da v^eber gæb wir paid disen prief ze einem waren v^orchu^end versigelten mit vnser paider insigel. Diser sache aller sint gezevg: bru^oder H(ainreich) der prior, bruder Gebh(art) der Chalp, supprior; Ch(unrat) der Widmer, Pauls vnd Emreich von Purchausen, her Chalhoh von Aich, her Frid(reich) der Praunauwer, her H(ainreich) von Pahh^e, Frid(reich) der Darm, Wernher von Aich, Vlschalich vnd Ru^eger von Scho^enberch^f, Albreth dez Rorez chelner, O^ertel, Wilham, Ortlieb dez aptz kneht, H(ainreich) der Zaglau wer vnd ander erwerig zevg genu^oech. Der prief ist geben, do von vnsers herren geburt waren dreuzehen hundert jar vnd in dem vierden da nah, an sant Jacobs tach ze Raitenhaslach.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 528, S. 442-443