Ich Ludweich der Grans tu^on chunt alle den, di disen brief ansehent, daz Hainreich | mein aigen man von Pihscholfstorf^a vnt sein erben Hainr(eich), Vlr(eich), Fridr(eich), Gedrævt vnt Chunr(at) sein aidem enschied lizzen vmb alle den chrieg vnt ansprach, den er Hainr(eich) vnt sein vorgenanten chint vnt sein aidem iê heten gewnen von ir chintleichein tagen hintze dem gotshaus ze Raitenhaslach vmb di hu^ob^b vnd^c vmb di mu^ol ze Piescholfstorf^a, swi di genant waren, an hern Fridr(reich) den chamerær von Raitenhasl(ach) vnd herren Seiboten den pharrer, Tu^omaier meinen rihter vnt Fridr(eich) den schergen, vnt Vlr(eich) der rihter von Weilhart waz ir vberman. Di schieden also, daz alle di chrieg vnt ansprach gar vnt gæntzleichein ab wæren, vnt daz Hainr(eich) vnt seinew chint vnt Ch(unrat) sein aidem dehain ansprach hieten fu^erbaz hintze dem gotshaus ze Raitenhasl(ach) vmb di oben geschriben sahh, vnt daz der erwærig abbt Vlr(eich) von Raitenhasl(ach) Hainr(eich) vnt seinen chinden vnt seinem aidem gæb an sehtzch phumfe phunt phenning O^etingner. Vnt daz der chrieg aller ding also zeder legt sei vnt verriht, dar vber gib ich dem gotshaus ze Raitenhasl(ach) disen brief verinsigelten mit meinem insigel. Dez sint zeug: di vorgenanten schidlævt, Fridr(eich) von Spieglorn, Ch(unrat) von Heltenperg, Andre von Phaffenhofen^d, Vlr(eich) von Po^esendorf, Ch(unrat) von Gunprehtstorf^e, Zachrais, Ch(unrat) dez abbts probst vnt ander zevg genug. Der brief ist geben, do von Christes waren drewzehen hvndert jar dar nah in dem pfumt^f jar, an sant Marci tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 537, S. 452-453