Ich Wlfing Goltekker^a, purchchraf von Ditmænning^b, tu^on chunt vnd vergieh allen den, di disen briefen sehent | oder horent lesen, daz Ditreich der Hulber, pavman datz Nidernpu^och^c, vor^d mir vnd vor manigen erwærigen mann datz Dietmænning^b sich verzigen hat auf des erwærigen abbt Vlreichs vnd seines conuents gnad aller der^e ansprach, di er gehabt hat auf daz selbe gu^ot ze Nidernpu^och, vnd an twanchsal vergehen hat, daz er an dem selben gu^ot dehain reht hat^f vnd gehabt hat. Vnd do von hat er daz selben gv^ot ze Nidernpu^och von dem vorgenænnten erwærigen abbt Vlreichen von Raitenhaslach vnd seinem gotshaus bestanden zv einem jar ze pavmans reht nah allem dem reht vnd gewonhait, als ander ir gotshaus aigen lævt bestent von im, als ir vrwar. Vnd daz in di selb furziht furbaz imen meg bechrenchen, gib ich disen brif verinsigelt mit meinem insigel. Dez sint zevch: her Fridreich der chamerær, Ekhart der Aichaimer, Zachareis der Panicher, her Rudpreht der Imzigner, der Puhher rihter, Wernhart der Zugswert,||
Hainr(eich), Ot, Frid(reich) di Lemper, Vlreich von Sitlesdorf, Hainreich der Weilhaimer enhalbs pachs, Fridr(eich) Chrophel^g, Symon der Schreiber, Ch(unrat) von Abelsperch, Engelfrid des Hulbers bru^oder, Ch(unrat) des Hvlbers aidem von Reuthaim, Hainreich des selben vater von Obernpuch, Ortlieb^h von Munichaim vnd ander bider lævt mer. Der brif ist geben, do von Christes bu^ort waren tausent drew hundert vnd sehs jar, anⁱ sant Gregorii tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 540, S. 454-455