Wir Johannes vnd Leutolt von Chu^enring, wi^er chunden offenbar allen edeln liuten, dienst I herren, rittern vnde chnechten, dar zu^e allen den, die den bri^ef ansehent, daz wi^er alle die gu^eter des gotshaus von Rotenhaslæch, die inn Ybs vnd ouch dem pache ze Erlas^a vnd in dem lande ze Osterich, wa siw gelegen sind, daz wi^er dew gu^ete ellew in vnser phlege vnd scherm haben, als siw vns vnser vo^edern vntz her lazzen habent. Dar um bit wi^er iw alle vnd ouch besunder, daz yemand vns durich vnsers dienstes willen an den selben gu^etern des vo^ergenanten gotshaus icht besware nach laidige. Wer dar über vns an des egenanten gotshaus gu^etern icht schaden eder beswærunge ertzaiget, des wi^er nicht getrawen, der wizze, daz er vns mer beswært denne ob wi^er an vnserm aigen gu^ete wu^orden geschedigt eder von im^b gelaidigt.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 573, S. 483-484