Ich Ott von Purchsteten offen vnd tu^on chunt alle den, di disen brief sechent oder lesen | ho^erent, das ich willichlichein durih got vnd durih meiner sel vnd auh aller meiner vorvodern vnd nahchomen sel gewarhait, hail vnd sæld gestandem pin von allem chrieg vnd mich verziegen han aller der ansprah, di ich gehabt han hinze dem erwærig abbt vnd dem chloster ze Raitenhaslah vmb dev zwoi gilt ze Særling, di dem vorgenanten chloster vor meinen vorvodern ze rehtem selgeræt ledichleichein gegeben sint, nah den ich gechrigt han, das man sev nah meinem rat vnd nah meinem willen vnd auh mit^a meinem læuten stiften scholt. Vnd derselben verzignusse sint zevgere: der erwerig abbt Ilsunch^b von Raitenhaslah, her Vlreich von O^eting sein chelnær, her Fridr(eich) sei chamerær, her Hainreich der Hu^oter sein Schreiber; Marchart der Marholtigner, Hainr(eich) sein veter, Vlreich der Murzerer^c, Vlreich der Swertfurib^d, Seibot vnd Asprian von Særling, Fridr(eich) der Darm, Vlr(eich) von Roræh, H(ainreich) von Gothalming, Ghunr(at) von Pfæffing vnd ander pider læut mær. Vnd das dem vorgenanten chloster von mir oder von dehainem meinen nahchomen dehain mv^e oder ansprach fu^erbas meg auf gestên vnd ich selben niht aigens insigels^e han, han ich erworuen mit meiner pet, das her Hainr(eich) der Gans^f, vicedum von der Rot^g, vnd her Lud(weich) der Grans vnd mein sweher her Seibot von Mitterchirchen zv einem vrchunt habent disem prief verinsigelt mit ir insigel. Der prief ist geben an sant Lucie tag anno domini M^o. CCC. duodecimo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 577, S. 486-487