Quia vivaci testimonio litterarum iusticia reddens unicuique, quod suum est¹, firmius adiuvatur, calumpnia prefocatur et omnis, que | suboriri posset, discordia propuls atur, nos Ortolfus dei gracia prepositus et archidyaconus ecclesie Bovmburgensis tenore presencium^a cupimus ad noticiam deducere tam vivencium quam etiam victurorum, quod ad instanciam precum vener abilium patrum, videlicet domini Ditrici abbatis de Sewn necnon domini Ilsvngi abbatis de Raitenhaslach, et conventus eorundem inter se super loco quodam fimacionis Raitenhaslahensium et cuiusdam vie transitu per vineas prefati monasterii de Sewn discordancium amicabiliter reformande ac conservande pacis caritatisque mutue gracia inclinati anno domini millesimo CC^oC terciodecimo tempore vindemie in partibus Austrie constituti officialem nomine Weigmannum ceterosque vicinos veteres vinitores honestiores et fidedignos ad nostram curavimus presenciam convocare diligenter eisdem sub sacramento et districti eterni iudicis examine committentes, quatenus de predictis loco fimacionis et usu vie, quam per vineas Sewensium habebant Raitenhaslahenses, perspiciendo sollertius indagarent, utrum eisdem Raitenhaslahensibus de iure id competeret et beeret, an temerarie et iniuste id presumserint actitare. Quibus consideratis diligencius et perspectis prefatus officialis Weigmannus, frater suus dictus Gerstner, item Syghardus, item Chunr(adus) Fu^el, item Chunr(adus) Wamweiser, item Wipoto, item Vrschalkus, item Vlr(icus) gener Hoskangs, item Petrus gener officialis prenotati, item Chunr(adus) calcifex, item Rugerus Chastner, item Rudolfus inter vinitores, item Otto Ru^oelant sub sacramento concorditer et publice protestabantur, quod sepedicti Raitenhaslahenses ipsum locum fimi usumque vie per vineas Sewensium longeua conswetudine et sedulo usu licite habuerint et habere debeant mero iure. Huius rei testes sunt: dominus Hertnidus dictus Zw^efœder^b et dominus Chunr(adus) dictus Swarzenstainer, ecclesie nostre concanonici, et magister Levpoldus notarius noster, item frater Hilprandus, frater Ainwicus et frater Albertus, sacerdotes et monachi de Raitenhaslach, item honorabilis dominus Hainr(icus) plebanus de Druhtleiching, item Nycolaus, Christanus, Chunr(adus) aurifaber de Raitenhaslach et alii quam plures cum superius prenotatis. In cuius rei memoriam presentem cartam per nostri sigilli caracteris inpressionem dedimus consignatam. Datum et actum anno domini et tempore suprascriptis in curia nostra Chremse.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 585, S. 497-498