Ich V^olrich von Attnat, richter ze Chuchel, tu^oen ze wizzen allen den, di disen offenn brief lesent oder lesen ho^erent, daz | Wernher von Hu^oeb vnd Jacob der Wegistt^a vor mier auf dem rechten gechlaget hawent, daz si bru^oeder V^oeschalich der nidermaister in dem Hellein^b irret datz Dornav^oc an einem wege, den si ze recht solten hawen zu^oe dem achcher vnd zu^oe dem wismat, daz si hieten datz Ehausen in dem velde, als verr daz weisum da hin ertailt war de. Auf diu weisum chom ich selber mit den nechsten vnd mit den besten vnd mit baiden tailen vnd het bru^oeder V^oeschalich vo^elligen gewalt von dem gotshaus von sande Peter vnd von dem gotshaus ze Raitenhaslach, daz er di chlage solt verantwurten. Da wurden zu^oe der bischav^oe geschaffet dreizehen man der eltisten vnd der besten vnd warde den zu^oe dem rechten wider geboten. Due sagot daz recht, man solt in zu^oe sprechen, wes sie gedechten vnd woz in vmme den obengenanten wege wer gewizzen. Vnd du^oe si gefraget wurden, da sagten si gemainlich auf irn æit, daz es also vormalen hercho^emen wer mit gunst vnd mit lieb, daz di obengenanten Wernher vnd Jacob gefaren wem durich diu^o gazzen datz Dornav^oc vnd von der||
gazzen gerehen auf durich den winchel olain mit traide vnd mit hew^o, swann si dem nidermaister, oder swer der lehen ze Dornav^oe^c pauman ist, an allen schaden mo^echten gefaren; daz awer si an des nidermaisters willen oder von recht da faren solten, da wer in nicht vmme gewizzen. Dar nach sagt frage vnd vrtail, daz di obengenanten Wernher vnd Jacob furbaz da nicht mer faren solten an des nidermaisters gunst vnd willen oder des, der diu vorgenanten lehen inne hat. Da sind bei gewesen bru^oeder Haumbrecht der obermaister, V^olrich der Paizz richter in dem Hellein^b, V^olrich der Spech, Chunrat der Lo^edler, Ott der Farfler, Vlrich der Turn, Hinrich^d der Zerer puriger in dem Hellein^b vnd ander getriv^o leut genv^oege. Vnd daz diu obengenant sage vnd recht furbaz also bileib an chriech, gib ich ze vrchunde disen offenn brief bru^oeder V^oeschalichen vnd dem Nidernhof ze vrchunde der warhait mit meinem anhangendem insigel vnd mit V^olreichs dez Paizzen des richters in dem Hellein^b insigel, der daz auch dar an gelegt hat ze vrchunde der oben geschribenn gewizzen. Daz ist geschehen nach Christes gebu^ortt vber driuzehen hundert jar in dem driuzehentistem jar||
darnach, an sand Laurentzen tage.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 584, S. 495-496