Wir Heinr(ich) von gots genaden pfallentz graf ze Reyn vnd hertzog in Baieren verjehen offenbar an dem brief, daz vnser | gv^ot wille ist, daz vnser getrewer graf Heinr(ich) von Leonberch dem gotshavs ze Raitenhaslach gegeben hat di zwen ho^ef in dem dorffe ze Pebing, den mittern vnd den nidern, di sein freyes vnd lediges aigen waren, mit alle dev vnd darzv^o geho^ert, ze velde, ze holtz, ze wismad, besv^oht vnd vnbesv^oht. Vnd zv einer mereren vnd sichern stetichait derselben ho^ef sta^eten wir dem oben genanten gotshavs mit dem brief allez daz, daz di hantvest sagt, di si von dem oben genanten graf Heinr(ich) habent v^eber di ho^ef, di oben genant sind. Vnd daz in daz allez stæt vnd vnzerbrochen beleih, dar v^eber ze einem vrchv^end geben wir den brief versigelten mit vnserm insigel. Daz ist geschehen ze Pvrchavsen, da von Christes gebvrt waren dreutzehen hvndert jar vnd dar nach in dem fv^emftzehenten jar, an sand Tybvrtzen vnd an sand Valerians tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 594, S. 504-505