Ich Ludweich der alt Grans vergich vnd tv^on chunt alle den, di disen brief sehent vnd ho^ernt lesen, | das ich alles des geltz vnd aller der handlung, di ich ie mit dem abbt vnt mit dem convent des gotzhous ze Raitenhaslach han ze handeln gehabt, mit||
lehenschaft, varents vnd vnvarents gu^otz, swi das genant ist, gar vnd gæntzlich pin verriht vnd gewert, also verr das si mir, meiner hovsfrowen, noch dehainem meinem erben, chlain noch gros, nihtes niht schuldich sint beliben. Ich vergich ovh offenbar, das ich datz dem vorgenanten gotzhous ze Raitenhaslach dehainen perch han, noch is meins gu^otz nihtes niht inn hat chlain noch gros. Vnd da von, das dem vorgenanten gotzhous dehain ansprach oder chrieg von meiner hovsfrowen noch dehainem meinem erben noch ander iemen mv^eg ovf gesten, gib ich dem ersam abbt vnd seinem conuent ze Raitenhaslach disen brief ze einer gantzen vnd lovtern sihherhait vnd ze einem waren vrchvnt versigelt mit meinem vnd meiner zwaier svn||
Wernhartz vnd Perngers insigel. Diser brief ist gegeben, dv von Christ geburt waren drevzehen hundert jar dar nah in dem fumfzehenten^a jar, an sant Margreten tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 599, S. 510