Wir Heinr(ich) von gotes genaden pfallntz graf ze Reyn, hertzog in Baiern, vergehen offenbar an disem brief, daz der ersame abtt von Raitenhaslach nach vnsrer pet lazzen hat Di^etrichen dem Nevnhauser ze paw^emansrecht drev gut ze Nevforn, vnd gehaizzen wir dem abtt vnd auch seinem gotshaus, als vns der Nevnhauser gehaizzen hat, swann in der abtt oder sein amptlæut vercheren wil vnd entstiften ab den gu^oten, daz er in daz mit nichtev sol verstên, vnd sv^eln si daz tv^on an sein widerred als einen andern ir paw^eman. Vnd ze vrchv^end diser sache geben wir disen brief nach des Nevnhauser pet versieelten mit vnserm insigel. Der ist geben ze Purchausen millesimo CCCmo septimodecimo, an dem liechtmess abent.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 610, S. 520-521