Ich Ekkolf von der Wartt vergich vnd tv^on chunt allen den, die den brief | sehent oder ho^erent lesen, wan Heinr(ich) der Snitzer von Purchavsen einen avzwechsel hat getan mit dem gotshavs ze Raytenhaslach vnd hat im gegeben drev gv^ot ze Ehmv^eting, dev er von meinem aydem Chv^enr(at) dem Taufchircher zelehen hat gehabt, des pfleger ich bin, vnd avzgewechselt vmb zwai gv^ot ze Obernsærleich^a, dev des gotshavss aygen vntz her sint gewesen, dev avch er nv von meinem aydem ze lehen genomen hat, gib ich dem vorgenanten gotshavs ze Raytenhaslach mit vollem gewalt als ein pfleger mit gv^otem willen meines aydem dev lehenschaft der dreier gv^ot ze Ehmv^eting vnd stætig im dev selben gv^ot mit samt meinem aydem ze rechtem vnd vreyen aygen ze besitzen vnd niezzen fu^erbaz ewichlich, besu^ocht vnd vnbesu^ocht, vreilich vnd ledichlich als ander sein altes vnd vreies aygen also, daz ich noch mein aydem der Taufchircher noch dehaine vnser erben oder nachchomen fv^erbaz nimmer mer dehain ansprach dar nach gehaben noch gewinnen. Vnd ze vrchv^end gib ich dem vorgenanten gotshavs mit samt meinem obengenanten aydem disen brief mit meines lieben herren hertzog Heinr(ich) insigel, der nach meiner pet ze einer merern stætichait ez dar an hat gelegt, vnd mit dem meinen versigelten, dar vnder sich mein obengenanter aydem, wan er insigels noch nicht hat, diser sache vnd tayding hat verpunden. Daz ist geschehen ze Lantshv^ot^b, da von Christes gepvrt ergangen waren tavsent jar drew hvndert jar dar nach in dem achtzehenten jar, des næchsten svnntags nach sans Seruacii tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 623, S. 532