Wir Friderich^a von gotes gnaden ertzbischolf ze Salzburch^b, legat des stuls ze Rom, verjehen offen|bar an disem brief vnd tu^on chunt allen den, di in sehent eder ho^erent lesen, daz vns der abt von Raitenhaslach^c ermonet hat mit guter chuntschaft, daz daz ra^eut, daz geheizzen ist Maierseben in der Gaizzow, ze vnrecht ist geslagen vnd ist ouch emolen von vnsern vorvaren da ab genommen. Do von haben wir ez ouch nu ab genomen vnd verjehen, daz ez furbaz nieman sol ra^euten noch powen. Dar v^eber geben wir disen brief versigelten mit vnserm anhangenden insigel. Der ist geben ze Salzburch an sand Johannis vnd sand Pauls tag, do von Christes geburd waren dreuzehen hundert jar darnach in dem sechs vnd zwaintzkisten jar.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 664, S. 566