Ich V^elreich der Wiettinger, purger in dem Hellein^a, vnd mein hâusvrâwe Elspet vnd alle vnser erben wi^er | verjehen vnd tv^en chunt an disem priefe allen den, die in ansehent, lesent oder lesen ho^erent, daz wir dem kaistleichen herren hern Peter dem Cheutzlein^b, der hofmaister in dem nidernhofe in dem Hellein^a do waz, vnd seinem gesellen hern Otten vnd dem hofe verchâuft vnd geben haben vmb zwainzich Schillinge Saltzburger phenninge vnd vmb sehtzich phenninge vnsern chinden ze leitchâufe alle die werichstet vnd allez daz reht, daz wi^er in der Gaizzâwe^c haben gehapt niden vnd oben, di in den nidern hofe haben geho^eret vnd die vns an habent geerbent von vnserm vater Otten von Wiettinge vnd mich V^elrichen vnd mein erben angefallen sint mit rehter schide, do ich vnd mein bru^eder Otte vnd mein lieber o^ehaim Chu^enrat, O^ertolfs sun, den meins bru^eder Hainreichs werichstet angefallen sint, die weristet^d tailtent, die vnser vater lassen het, dez schiedleut waren Chu^enrat der Hurnein vnd Chu^enrat der Tenke. Vns habent auch die vorgenantten herren dez vorgenantten gv^etz gar vnd gæntzleichen verrihte vnd geben. Vnd da von schullen wi^er furbaz noch dehain vnser erben dehainen chriege noch dehain ansprach auf die vorgenantten werichstet haben. Pei dem châuffe vnd pei den sachhen sint gebesen vnd sint sein zivge: Chu^enrat der Tenke, Hainreich, Hainreichs sun auf der Mâuwer, Hainreich Mæntzinch, Jacob der Neuzse, Chu^enrat der Pierler vnd sein bru^eder Hainreich, Fridreich der Schreiber vnd ander erber leutte. Dar zv^e daz den vorgenantten herren vnd dem hofe von vns vnd von vnsern erben daz also stête vnd vnzebrochen beleihe, dar vber geben wi^er in disen offen priefe ze æinem waren urchunde mit meins V^elreichs lieben o^ehaims Chu^enratz, O^ertolfs svns, ynsigel versigelt, im an schaden, da wi^er vns vnder verpinten mit vnsern triwen alles daz stet vnd gantz ze behalten, daz vor an dem priefe geschriben ist, wan wi^er niht aigens ynsigels haben. Der prief ist geben nach Christes geburt vber driuzehen hundert jar dar nach in dem ains vnd dreissigisten jare, an sant Laurencii tage.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 684, S. 583-584