Gaucelinus miseracione divina episcopus Albanensis dilecto in Christo fratri Hainrico abbati monasterii de Raitenhaselach Cisterciensis ordinis Salzburgensis diocesis salutem in domino. In I nostra proposuisti presencia constitutus, quod, cum olim unacum monachis et subditis tuis propter pericula rerum et dicti tui monasterii devastacionem, quam timebas verisimiliter eidem monasterio imminere, non obstantibus processibus per felicis recordacionis dominum Iohannem papam XXII. contra excommunicatum Ludouicum de Bauaria et sancte Romane ecclesie rebellem ac sequaces^a et fautores eiusdem factis et publicatis, in dicto monasterio vigore dictorum processuum supposito ecclesiastico interdicto, non tamen in contemptum clavium, divina officia celebrasti et alias imiscuisti te eisdem, aliquos excommunicatos sequaces et fautores dicti Ludouici admisisti ad audientiam divinorum ac aliquos ex dictis sequacibus et fautoribus dictis sentenciis ligatos, cum decesserunt, ecclesiastice sepulture in dicto monasterio tradi permisisti, supradictum Ludouicum sicut alii communiter in partibus illis imperatorem seu regem Romanum nominasti et alias cum fautoribus ipsius Ludouici sibique adherentibus in cibo, potu, loquela et aliis communibus actibus, preter quam in crimine participasti, excommunicacionis, suspensionis et interdicti sentencias et penas alias incurristi contentas in processibus supradictis et in tales generaliter promulgatas; sed cum nunc supersticione ipsius Ludouici et fautorum eius ac aliorum scismaticorum et rebellium relicta et abiurata coram nobis redire cupias ad gremium sancte matris ecclesie eiusque per omnia obedire mandatis, supplicasti humiliter, ut providere tibi super his sedes apostolica de oportuno remedio misericorditer dignaretur. Nos igitur attendentes, quod apostolice sedis clemeneia non consuevit misericordiam penitentibus denegare, sed paterno affectu cupit constitutos in invio ad cautelam reducere unitatis, auctoritate domini papa, cuius penitenciarie curam gerimus, et de eius speciali mandato super hoc vive vocis oraculo nobis facto, postquam confessus fuisti publice coram nobis te tenuisse et tenere fidem catholicam et credere, quod non spectat ad imperatorem papam seu summum pontificem deponere et alium eligere vel creare, sed hoc tu hereticum reputas et heresim dampnatam per ecclesiam prelibatam, recepto a te consequenter ad sancta dei evuangelia iuramento, quod stabis et parebis mandatis ecclesie et domini nostri papa super illatis iniuriis, contumaciis, rebellionibus, fautoriis et aliis implicite vel explicite per te^b confessatis et non confessatis ac ceteris penis et sentenciis, quas ab homine vel a iure propter premissa et ea tengencia^c incurristi, et quod dicto domino pape ac eius successoribus canonice intrantibus fidelis eris de cetero ac eis debitam reverenciam et obedienciam exhibebis nee cum prefato Ludouico de Bauaria, quamdiu stabit in rebellione sancte matris ecclesie, seu aliis hereticis et scismaticis aut eorum sequacibus^b per^b predietam ecclesiam denotatis deineeps eris nec eis seu quibuscumque aliis dabis contra Romanam ecclesiam consilium, auxilium vel favorem, directe vel indirecte, publice vel occulte, quodque nulli ut imperatori seu administratori imperii obedies nee adherebis, nisi primitus fuerit per sanctam Romanam ecclesiam approbatus, nec eciam cum sepedicto Ludouico aut quocumque alio in rebellione prefate ecclesie existente contra eam obligacionem, conspiracionem facies sive ligam, te a dictis sentenciis absolvimus in forma ecclesie consueta ac alias penas predictas circa te relaxamus et iniuncta inde tibi super his penitencia, quam tibi vidimus iniungenda^d, teque ad duos menses a tuorum ordinum execucione suspenso demum^e super inhabilitate et inregularitate ex premissis contractis tecum^f auctoritate^f et mandato predictis alio tibi non obstante canonico misericorditer dispensamus. In cuius rei testimonium presentes litteras nostro sigillo sigillatas tibi duximus concedendas. Dat. Auinion. VIII kal. novembr., pontificatus domini Benedicti pape XII anno primo.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 697, S. 594-596