Ich Vlrich der Spæch, purger in dem Hællein^a, vnd mein eriben svn vnd to^echter, swie I di genant sint, di lebent oder noch chunftig werdent, vergechen vnd tu^en chunt mit disem brief offenbar allen den, di in sechent oder hornt lesen, daz wir mit wolbedachtem willigen mut recht vnd redlichein ze chauffen haben geben vmbe dreutzechen pfunt Saltzburger pfenning durch di aw^oge einen freyen wagenweg ewigichleichem zu den zwain lechen, di genant sint ze Do^erna^owe vnd ze nechst gelegen sint pey Prunnige^b, den ersam vnd peschaiden herren hern Peter dem Chautzlein^c vnd hern Friderichein^d seim gesellen, hofmaistern des nidern hoffes in dem Hællein, vnd allen seinen(d') nachchomen vnd pfelgern^e desselben hofes, also mit der peschaidenhait vnd gelubden, swer di eben benannten zwai lechen innen hat oder in swes gewalt sev chomen, der sol denselben wagenweg zu den lechen innen haben vnd nutzzen vnd aribaiten, swenne so sev des bedurfen pei nacht oder pei tag, vnd sol der selbe wagenweg beslozzen vnd bewart sein mit zwain to^ern vnd sullen auch di innen haben. Wi^er sullen auch dez oben benannten weges i^er gewer sein fu^er allev ansprach an aller der stat, vnd in des no^et vnd durft geschiecht, vnd richtig machen, als des landes recht ist. Ez ist auch ze wizzen, daz wir gæntzlich vnd gar gericht sein des oben verschriben geltes, da wir den oben benanten weg vmbe verchauft haben. Wir haben auch den weg dester rechter verchauft zu dem oben benanten hof vnd lechen, daz man ewigichlichein meiner sei vnd meiner paider hausvrawen vnd vnser fodern sel jærlich sol gedenchen vnd begen. Vnd daz in daz also stæt vnd vnverchert peleibe, darvber ze einem vesten waren vrchunde der warhait geben wir disen offen vnsern brief versigelten vnd bestætigten mit meim anhangdem insigel, darvnder ich mich mit sampt meinen erben verpinde mit meinen triwen di oben||
verschriben gelubd stæt ze pehalten vnd ze volenden. Vnd sint des gezeug vnd pei den gelubden gewesen^f: her Virich der Paizze^g richter in dem Hællein^a, Seybot der Paizze^g, bruder Perichtolde in dem obern hof, Jans der Leyter^h, Vlrich der Spæch des Siberær aidem, Virich Gaugel der lange, Meinhart, Gotschalich der Leyter, Sigel der Snitzzer, Friderich der Schreiber, Chu^onr(at) Igelspart vnd ander erberr lævte. Der brief ist geben nach Christes gepurde dreutzechen hvndert jar vnd in dem fumf vnd dreizikisten jar an, sand Katreyn tag.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 698, S. 596-597