Ich Pab von Hocholting, Alhait mein hausfrawe vnd Greimolt vnser baider su^on verjehen offenbar an dem brief allen den, di in sehent | oder ho^erent lesen, daz wir mit verdachtem mu^ot vnd mit gu^otem willen gegeben haben der sammung vnd dem gotshaus ze Raitenhaslach vnser gu^ot, daz gehaizzen ist Oed in Julbekcher^a gericht, besu^echts vnd vnbesu^echtzs, ze rechtem selgeræt vnser vnd vnserer vorvodern in daz ampt, daz gehaizzen ist di pitantz/e, vnd haben si dez in nu^etzz vnd in gewer gesetzzt bey vnserm lebentigem leib mit aufgenomener beschaidenhait also, daz si daz vorgenant gu^ot handeln schu^elln vnd inne haben mit der stift vnd mit dreizzich pfenning gu^elt, di si jærleich da haben su^ellen, vnd swaz ez mer alleinweis mag vergelten, daz sol mir dem obengenantem Paben von Hocholting jarleich gæntzleich geuallen zv^e mein ains leib vnd nach meinem to^ed ist ez gar vnd ledichleich dez gotzhaus von Raitenhaslach vnd der sammung da selben rechtzs selgeræt, daz wir noch dhain vnser eribe dar auf nicht mer ze sprechen haben. Vnd in der beschaiden, als vor geschriben ist, haben wir vns dez oft genanten gu^ets verzigen auf vnser frawn alter vnd antwurtten in daz gu^et fu^or ein lediges vnd||
vnuersprochens gu^et fu^or alle ansprach. Vns habent auch di vorgenanten erber vnd gaistleich herren verhaizzen, daz si jærleich vnser vnd aller vnser vorvordern vnd nachcho^emen jartag begen su^ellen an sand Achacii tag, als gewo^enleich ist, mit messen vnd mit ander gu^ettæten, di^e dar zv^e geho^ernt, vnd daz alle wochen ein messe gesprochen werd datz dem selben alter, vnd auch dez selben tages sol di pittantzze den obengenanten herren gevallen, als gewonleich ist vmb ander pittantzz. Vnd dar nach, ob dez vorgenanten jartages pittantzz icht v^eberig peleib, daz selb su^ellen si niezzen in der vasten, swenn vnd wie ez in fu^egleich sei. Vnd daz daz also stæt gar vnd gantzz vnd vnzerbrochen beleih, geben wir in disen brief ze einem vrchu^end versigelten mit meinem dez obengenanten Paben insigel. Daz ist geschehen, da man zalt von Christes gebu^ertt tausent jar drev hundert jar dar nach in dem neun vnd dreizzigistem jar, an sand Mathyas tag des zwelif poten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 701, S. 599-600