Ich Ruger der Moroltinger richter bey der Rot vergich an disem brief allen den, die in sehent, horent lesen, das mein herren von Raitenhaslach die wayd, die zu oberen Stainpach geho^ert zu ir gut, das ier freys aigen ist, vor mir wehabt habent vnd enprosten sint mit dem rechten den purgern ze Polmansgwick vnd Wernczel von Putting, das si fu^erbas die waid nimmer suechen sullen vnd dhain recht zu der wayd da nimer haben sullen, vnd hab hintz der vorgenanten wayd yem ze sprechen oder ze reden, die irs freys aigen ist, das sein die vorgenanten purger oder der vorgenant Wernczel von Putting, das si vmb irs freys aigen vnd das zu irem gotzhaws geho^ert nindert antwurten sullen dann in meins herren lanntschrann, des si bey nutz vnd bey gwer sitzent. Das hat in frag vnd vrtail vor mir geben, vnd doch ich weltiger richter was von meins herren genaden des edelen hertzog Hainr(eich) von Bayern. Vnd dar uber zu einer beda^echnu^ess gib ich in disen offen brief mit meinem anhangunden insigeln. Vnd bey dem rechten auf der weysumb sind gewesen die erberen la^ewt her Hainreich der Altenburiger, Ru^echer Weigel, her Erhart der Hirssora^er, Martein der Mitterchiricha^er, Martein der Chama^er, Peter von Ettenuelden vnd der nider Peter daselbs, Hainreich der Schreiba^er, Wilhalm der Locher, Hainreich der Smitt von Ettenuelden, der smitt von Ghratzperg vnd ander pider la^ewt, die da waren. Das ist geschehen anno domini Mo CCC^o tricesimo nouo, des nachsten samptztages nach su^enbenten.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 703, S. 601-602