Ich Jacob Pfenwert, puriger in dem Hellein^a, Chu^onrat vnd Jacob mein paide su^on vnd alli vnser erben vergehen offenbar an disem brief allen den, | di in sehent oder ho^erent lesen, daz wir mit gu^oeter bidachtnvss vnd nach vnser nechsten friu^ont rat mit gu^oetem willen auf gegeben hawen dem ersamen abbt V^olreichen vnd der sammvnge des gotshauss ze Raitenhaslach alliv^o recht, diu^o wir gehabt hawen auf dem Tiufenpach^b, der auch genant ist der Veu^ochtenpach^c, vnd auf dem walde, der ze paiden seitten dar auf stet, als diu^o regenwazzer sagent, won wir si nicht mochten volfu^oeren, als verschaiden vnd verschriben was zwischen vnser vnd des egenanten gotshauss ze Raitenhaslach^d vnd des nidernhofs in dem Hellein^a. Vnd hawen vns derselben obengenanten reehtt gentzlich verzigen, also daz der obengenant abbt V^olrich vnd diu^o sammvnge des gotshauss ze Raitenhaslach vnd||
ewichleich alliv^o ir nachchumft den obengenanten pach vnd den walt mv^ogen genv^otzen vnd gewu^orichen zu^oe irm hof in dem Hellein^a wie si wellent an alli vnser irrvm vnd Widerrede. Der sachche vnd der verzeichnv^oss sind ziuge: V^olrich der Paizz^e richter in dem Hellein^a, Seibot sein bru^oeder, Hinr(ich) der Oberholtzer, Chv^onr(at) der Tenke, Fridreich der Pu^oeb, Chvnr(at) der Pirler, Ott der O^eder vnd ander getriu^o leu^ot genv^oeg. Vnd daz dem offtgenantem gotshaus ze Raitenhaslach^d vnd dem nidernhof in dem Hellein^a daz also stet vnd vnverchert bileib von vns vnd von allen vnsern erben, geben wir in disen brief ze vrchu^onde der warhait versigelten mit V^olreichs des Paizzen^e, ze den zeiten richters in dem Hellein^a, insigel, der daz nach vnserr gebet daran gelegt hat, won wir selber aigens insigels nicht heten, ime selber an allen schaden, vnder dem wir vns mit vnsern triv^on gentzleich verpinden stet ze hawen allez daz, daz oben ist verschriben. Daz ist geschehen nach Christes gepu^ortt vber driuzehen hundert jar in dem fiervndfierzigistem jar darnach, an vnser frav^oen tage als si ward geporen.

Source Fulltext: Krausen, Edgar, Die Urkunden des Klosters Raitenhaslach, 1034-1350, München, 1959, Nr. 723, S. 620-621