EGo raffoldus de planchenpach vniuersis presentia intuentibus cupio fore notum, quod in extremitate vite mee, dum infirmitate valida laborarem, ob remedium anime mee nec non predecessorum meorum delegaui Ecclesie Ranshouensi, in qua iam dudum michi elegeram sepulturam, libere dimidiam hubam in Grunt soluentem annuatim dimidium talentum, Item in viertail LX. denarios redditvum tali modo, vt ad usus altaris sancti iohannis, in quo debent reliquie beati achatij recondi reuerenter, quas uiuens consueuj deuocius honorare, proueniant a dicto predio denarii XXX. Item XXX denarii residui debent cedere ad prouisionem luminis capelle sancte marie ob hoc, ut ipsa domina nostra pia uirgo, quod ieiunium sibi in sabbatis promissum et minime perchdolor persolutum anime mee misericorditer indulgeat et ignoscat. Item ambulantem equum meum et cultitram nec non cuilibet dominorum meorum canonicorum ranshouensium denarios XXX. specialiter ordinauj et dominabus in claustro denarios LX, ut prouide singulis diebus per annum pro salute mea missa pro defunctis, nisi sollempnitatis officium obstiterit, celebretur et alias in oracionibus suis memores mei fiant. ne igitur hec, que intentione bona et consciencia perfecta salubriter sum testatus, per alicuius heredis mei temeritatem valeant reuocari, presentem litteram cum testibus subnotatis scribere procurauj sigillj mej munimine roboratam. Testes sunt dominus chunradus venerabilis prepositus ranshouensis, Heinricus plebanus sanctj mychahelis, perngerus plebanus in provnow, fridricus plebanus in nivnchirichen, chunradus in planchenpach sacerdotes, dominus Fridricus de sigenhaim, fridricus sveuus, vorihtlibz, otto scriptor harum et alij quam plures fide dignj. Acta sunt hec anno domini millesimo CC. LXXX. secundo.

Source Fulltext: OÖUB 3 (Wien 1862) S. 556-557, Nr. 607