Wernhardus dei Gracia Ecclesie Patauiensis Episcopus vniversis presencia inspecturis Salutem in domino iesu christo, Cum dilectus in christo frater dominus Chunradus venerabilis Ranshouensis Ecclesie prepositus archidyaconus Maticensis paterno ductus affectu circa fratrum suorum comoda promouenda pro receptatione infirmorum infirmariam in claustro suo edificauerat sollempniter de nouo Et de bonis Ecclesie sue ac de Elemosinis Et remediis deuotorum christi Et de bonis per suam prouidenciam acquisitis Et conparatis prouide dotauerit, vt infirmis et debilibus ac senio confectis fratribus consolacionis asilum et refrigerium preparans corporale requiem sibi faciat sempiternam prout in priuilegio suo Et Conuentus sui sigillis conmunito plenius continetur. Nos ipsius prepositi prouidenciam in domino conmendantes factum suum, quod tam salubri fundatione et dotatione de Conuentus sui consensv fecit, de certa sciencia auctoritate ordinaria confirmamus, Ratificamus in nomine patris et filii et spiritus paracliti in hiis scriptis Sub virtute sancte obediencie et sub interminacione diuini judicii et perpetui supplicii precipietes, (sic), vt nullus prepositorum, Clericorum, officialium ex nunc in antea in Ecclesia predicta Ranshouensi premisse salubri constitucioni derogare presumat. In cuius Rei testimonium presentes dedimus literas nostro sigillo munitas. Dat. Patauie Anno domini M°. CCC0. V. Nonas Octobris.

Source Fulltext: OÖUB 4 (Wien 1867) S. 350-351, Nr. 376