Wir Ott des Heiligen Römischen Reiches Erczkamrer, Kurfürst, vnd wir Fridreich sein vetter, Bayd von Gotz genaden pfallentz grafen bey Rein vnd Hertzogen in Beyern etc. Bechennen vnd tün chunt offenleich mit dem brif, daz wir den Ersamen vnsern lieben diemütigen dem Probst vnd gemeinlichen dem Capitel vnsers Gotzhauz zu Ranshofen durch vnserr vodern, vnsers va^oter seligen vnd vnserr sel Heil willen, di besunder genad getan haben vnd auch tün mit chraft ditz brifz vnd haben in den Hof zu Aufhäusen, der vor von vnsern genaden zü lehen gewesen ist, Mit allen zugehörn, wie die genant sind, geaigent vnd aygen in vnd dem Gotzhaus den auch mit chraft ditz briefz, für ein rechtez freyes ledigs aigen vnd gebieten allen vnsern Amptlawten, vicztumen, Pflegern, Richtern, scherigen vnd allen andern wie di genant sind, di wir iczo haben oder furbaz gewinnen, vestichlichen by vnsern genaden vnd hulden, daz ir di obgenanten vnserr lib diemütig vnd daz Gotzhaus by den Obgenant genaden behaltent vnd sy von vnsern wegen darzü beschirment. Mit vrchund ditz brifs, den wir in geben, Hie zu Půrchausen, an sand Jörgen abend, versigelt mit vnseren anhangenden Jnsigeln. Nach kristi gepürtt drewczehen Hundert iar vnd darnach in dem Näwn vnd Sibnczichstem Jaren.

Source Fulltext: OÖUB 9 (Wien 1906) S. 609-610