IN gotis namen amen. Wir Hannus, Conrad[1], Nickil vnd Starke gebruder gnant schultheisin czu Cycz vnd Sophia vnse swester bekennen offinlichen||
in desim kegenwertigen brife vnd tun kunt allen den dy en sehn odir horen lesen daz wir mit wolbedachtem mute vnd mit rate vnser frunde||
vorkouft haben dem wisen manne hern Petere probiste czu sente Stephane by Cycz, Jutten der eptischinne, Hedewige der priorinne vnd der||
sammenunge gemeyne dez vorgenanten gotishusis czu sente Stephane alle vnse gut, ekkere, hopfgarten vnd tangruben daz vnse eldern vnd||
wir czu vnsin liben gehabit habin von den vorgenanten gotishuse, nach rate vnd geheise dez strengen mannis hern Nickils von Malticz vnd||
sammenunge gemeyne dez vorgenanten gotishusis czu sente Stephane alle vnse gut, ekkere, hopfgarten vnd tangruben daz vnse eldern vnd

wir czu vnsin liben gehabit habin von den vorgenanten gotishuse, nach rate vnd geheise dez strengen mannis hern Nickils von Malticz vnd||
sammenunge gemeyne dez vorgenanten gotishusis czu sente Stephane alle vnse gut, ekkere, hopfgarten vnd tangruben daz vnse eldern vnd||
wir czu vnsin liben gehabit habin von den vorgenanten gotishuse, nach rate vnd geheise dez strengen mannis hern Nickils von Malticz vnd||
hern Hermans Bemin burger czu Cycz. Vnd haben en gegebin jo den acker der gesat ist vm dri schok on eyn mandil, den vngesaten acker vm||
czwei schok on eyn mandil smalis geldis daz vns nutzlichen vnd wol betzalit ist von dem vorgenanten gotishusis. Daz vorgenante gut, eckere,||
hopfgarten vnd tangruben daz habe wir vorgenanten schultheise Hannus, Conrad , Nickil, Starke gebrudere vnd Sophia vnse swester vfgelosin mit||
guten willen vnd mit alle dem rechte daz vnse elderen, wir vnd alle vnse erbin daran gehabit habin odir hinnenvort gehaben mochten dem||
vorgenanten probiste, eptischinne vnd der samnunge gemeyne dez vorgenanten gotishusis czu sente Stephane by Cycz. Auch haben sie von vns||
vorgenanten schultheisen brife geheischit der wir nicht inhaben daz spreche wir by dem eyde. Wer abir, daz wir keine brife vunden dy vnse eldern||
odir wir hetten obir dy gut dy wir vorkouft[2] haben dy scholle wir en wedirgebin mit guten willen. Auch vortzie wir uns alle der recht vnd an-||
sproche dy wir adir vnse erbe ewiclichen daran gehaben mochten, alzo daz dirre[3] brif alle brife toten schal dy obir dy gut vnd alle dy gut dy vnse eldirn||
wir vnd alle vnse erbin hetten adir gehabin mochten daz dem vorgenanten gotishuse czu schaden komen mochte. Daz wir vorgenanten schultheisen alle dese vorgeschre-||
bene rede vnd kouf stete vnd gancz haldin dez gebe wir dem vorgenanten gotishuse czu sente Stephane by Cycz disen offenen bryf mit vnsin ingesegiln vor-||
segilt vnd czu merer sichirkeit hab wir vorgenanten probist vnd schultheisen gebeten dy ratzmeistere vnd den rat gemeyne der stat czu Cycz ir yngesegil czu||
eime offenbaren geczuknisse, daz dise vorschrebene rede, kouf vnd handelunge vor en geschen syn. Vnd wir Hannus vnd Conrad habin vnse ingesegil an||
desin bryf gehangen mitsamt der stat ingesegil czu Cycz. Wan wir Nickil vnd Starke selbir nicht yngesegil haben hyrumme zu vorbynde wir uns vndir||
unser brudir yngesegele alle vorschrebene rede stete vnd gancz czu haldinde an alle argelist. Dirre rede vnd koufs sint geczuge her Johannes Messirsmet, pferrer||
czu sente Michel czu Cycz, her Johannes vnd her Heynrich sine gesellen, her Heynrich, spetilmeister von sente Elzebeten an der brucke czu Cycz, her Peter, pferrer||
czu sente Stephane, her Niclaus, pferrer czu Loetschicz vnd der gestrenge man her Nickil von Malticz vnd dy wisen luete her Nickil Setteler vnd her Heynrich||
yn dem Winkele, burgermeister czu Cycz, Herman Beme, Cuncze Bok, Hannus Kemmerer, Hannus von Muechele, Petir Kadelfelt, Cuncze von Sprossyn, ratlute||
und burger czu Cycz. Darczu dy brudere des vorgenanten gotishusis czu sente Stephane Ticze Bakmeister, Tytzko Kelner, Hannus Horning Spiser. Diterich||
Pantzir ynen fyhofe vnd Henczelinus schriber dez vorgenanten probistis czu sente Stephane vnd andere gute luete dy daz sehn vnd horten. Dirre brif ist||
gegeben noch Christis geburt dritenhundirt iar dornoch yn den acht vnd sechczigisten iare an dem dinstage in der ostirwoche.

Mittelalterlicher Rückvermerk:||
littera super emptione bonorum a scultetis||
in Cicz sitos ante waluam galik chor

[1] Möglich auch "Conradus". Der Name wird in der gesamten Urkunde stets als "Conr" gekürzt.||
[2] Expungiert "vns" zwischen "vor" und "kouft".||
[3] "d" korrigiert aus "w".

Transkription verfasst von Jakob Schneider im Rahmen des Seminars "Von der Urkunde zur Edition", Dozent Dr. Daniel Berger, Wintersemester 2017/18||