Ich Conrad Osterling, Bürger zu Melsungen und ich Katharina meine eheliche Hausfrau wyr thun kundt und bekennen in unnd mit crafft dießs Briefes wem der tzusehen oder tzulesen vorkompt, das wir mit tzeitlichem Rate und bei guther Vernunfft entlehet und abgepresst haben, Den ersamen und weisen Heinrich Tylen? Und Contzen Greben itzo Vorsteher des Spitals zu Melsungen tzweinzig harter Johannistaler jeden Taler tzu ein und dreißig Alb.(us) getzahlt welche wir von ihnen in einer Summa empfangen und fortten in unsern nutz gewenndt. Sagen derwegen vorgemelte Vorsteher und alle ire Nachkommen desselbigen Spitals obermilchen und gutlichen betzahlung in und mit crafft dießs Briefes gentz frei quid ledig und loßs und ich obgenantter Conrad Osterling und meine Erben sollen und wollen die vorgemeleht tzweinzig Taler alle Jar uff ein jden Ostertag vertzinsen mit einem Taler oder ein und dreißid Alb.(us) dafur, wurden wir aber darins seumig, welchs nicht sein sall, sollen uns die Vorsteher des Spitals oder ire Nachkommen wer die tzu jder tzeit sein werden darumb mache tzufedden haben nach allen iren wollgefallen und was dan also schadens darauff geh. wurde, wollen wir bey unnd abthun. Dargegen sagen wir dem Spitall en tzu unterpfande unser frey unnd unnerpfande behausung mit irer tzugeherung gelegen in der fritzlarischen Gassen tzwischen Claußen Leucher? unnd Melchior Schuhmacher (Einschub auf linkem Rand: auch was ansonsten hab. es sey besehen oder unbesehen wechs wir weiters erbringen und gewinnen sol auch hirzu verschrieben seyn) wie es keine das sich der Spitall seines Scahdens daran tzuerholen hätte. Es sall auch genantter Conrad Osterling oder seine Erben solche tzweinzig Taler gantz oder ahlb tzu jder tzei vor dem Ostertage abtzuloßen macht haben dah ds der tzins nach verlauffener Zeit entricht du betzalt sey samts allen Costen unnd Schaden so des etwas daraupf erwachssen war alle argelist hierin gentzlich außgeschlossen wie die Namen haben mag. Das tzu Urkunth haben wir obgemeleht Verkeupfer vor und unnd unsere Erben gebetten die ersamen undweisen Burgermeister und Radth tzu Melsungen das sie der Stadt Melsungen clain Ingesiegel wurden an dißen Brieff wollen thun anzuhangen. Das wir gemelthen Burgermeister unnd Radth zu Melsungen um der Verkeuffer gutlichen Bit willen so getan bekennen. Doch uns unsern Nachkommen unnd der Stadt Melsungen sondern Schaden Datum upf dem Palmsonntag im Jahre als man hat getzalt nach Christi unsers Erlösers geburt. Datum.