Ich Johannes Funke, priester vormunder des Altars den man nenet das heilige Grab, gelegen vor der Stadt Spangenbergt, bekenne vor mich und alle myne Nachkomen vormuden deß itzund genannten Altar daz ich mit Willen hochgebornen Fursten und Herrn Hern Ludwiges lantgraven tzu Hessen mynen gnedigen lieben Hern von dem derselbige Altar zu lehen ? dem erbarn Hern Syferde Schemiters vormuder deß Altars St. Claus gelyen in der Capellen St. Jorgen vor Melsungen und alle synen Nachkomen vormuden desselben Altar St, Claus mit gudem Vorrad und rechter Weissen rechtlich und redlich eyns ewigen erblichen Verkauffe verkeufft han und verkaufe gemwurtiglich in und mit crafft diess Brieffs eyne hobestad geleyen by der ? zu Melsungen hinder huse deß eyen Altar St. Claus die ? Her Peter Rudolf seliger umb Lotzen Smeds erben gekaufft und die mit andern gutern zu dem eyen Altar daz heilige Grab gegeben had. Vor eyne sume gelds die mir der eyen her Syferd gutlich betzalt had, der ich in und alle syne Nachkomen vormuden des Altar St. Claus vor mich und alle myne Nachkomen vormuden des Altar daz heilige Grab ? auch quijdledig und loß gesagt habe und sage die der quijd in diesem uffen Brieffe und setze den eyen Hern Syferd und syne Nachkomen vormude des Altar St. Claus solcher hobestad in eyne ewige erbliche were und besitzunge und mich und myne Nachkomen vormuden des Altar daz heilige Grab gen gentzlich darauß, und behalden uns darann keyn recht me und ich han auch von wegen deß eyen Altar daz heilige Grab gen myner und alle myne Nachkomen vormudendesselbe Altar uff die vorgenannt hobestad gentzlich und zumal verzegen und verzeihe darauff gemwurtiglich in crafft dies Brieffs daran numer ansproche me tzu haben in keyneweg und ich und alle myne Nachkomen vormuden des Altars daz heilige Grab gen wollen dem eyen Hern Syferd und synen Nachkomen vormuden des Altar St. Cluas vorgenannte der eyen hobestad rechte besitzung? Und alle redliche ansproche ablegen wan des mit geseht nachdem sich daz alsdan geburte und recht wen? alles? ohne?. Des zu bekunde han ich myne Ingesiegel an diesen Brieff gehangen und wir Ludwig von Gots Gnaden lantgrave zu Hessen vorgenant bekenn vor ns uns unser Erben nachem beyde Altaria vorgenannte von uns zu lehen gehen und wir nicht anders verstehen dan daz dieser vorgenant auff vor beyde lehen ist nach gelegenheid daz wir daz dan gebilliged und tzu gelassen han, und willigen daz gemwurtiglich in und mit crafft dieses Brieffs und sal ganze macht han alle ? darinn ufgenommen und deß unser Ingesiegel heran auch thun hengken. Datum.