Abschrift||
01 Ich Karthen Hans, muller zu mittelhouen, Burger zu Wachenheym, Bekennen offentlichen In diesem brieff vnd thun kundt allen den, die||
02 Ine ymer ansehende lesent oder horent lesen, das ich recht vnd redlichen verkaufft vnd zu kauff geben han Ane Sant Katherin pfrunde alhie||
03 zu Wachenheym eyn Ierliche gulte mit namen Zwen gulden gelts vmb viertzige gulden, der ich von pferrer vnd kerchengeschwor[ne]n daselbst||
04 woll gewert bin, vnd die In andern[n] myne[n]* nutz vnd fromen gewent vnd gekert** han; die obgeschriben zwen gulden gelts, gereden ich, Hans ob-||
05 genant, vor mich, myn erben vnd nachkomen by güten*** drüwen vnd rechter warheit, alle Iar Ierlichen zu reichen vnd zugeben off Sant Mar-||
06 tins tage, des heiligen bischoffs; vnd das soll nit hyndern[n] oder Irren dheynerley sach, die ymants herdencken kan oder mage vngeu[er]lichen; vnnd||
07 das die gemelt pfrunde solichs desto sicherer vnd gewiesser sy, So habe ich ir des zu eyne[m] ware[n] vnuerscheiden vnderpfande gelacht vnd legen auch||
08 In crafft diss brieffs zum erst[en] II morge[n] ackers ame schlide wege geleg[en], geforcht oben zu Peter Becker, vnd[en] Iuncker Friderich Steinhuser, It[em] 1/2 morg[en]||
09 ackers geleg[en] by dem galgen, geforcht oben zu ich selber, vnd[en] zu Iuncker Ballas Schleder, It[em] I zweitel ackers In dieser gewand[en], geforcht oben ich selber,||
10 vnden zu Iuncker Hans Wolschleher, It[em] I morg[en] ackers hinabbase, vnd ist ein anwender, geforcht oben zu Peter Becker, It[em] I morg[en] auch hin-||
11 abbase Im fridelsheymer felde, ist auch ein anwender, geforcht oben zu Peter Becker, It[em] I mo[r]g[en] ackers by hosthouen, stost mit eym ende vff der||
12 gemeyn wege, geforcht oben zu Hermanus Peter, vnd[en] ich selbs, It[em] I morg[en] In dieser gewand[en] hinabbase, geforcht oben zu Hans Mynhardt, vnden||
13 zu Peter Becker, It[em] II morg[en] ackers In diesem felde, geforcht oben zu Lorentzen Hensel zu dorckheym, vnden zu Peter Becker, It[em] I morg[en] ackers by dem ||
14 dübhuse baume, geforcht vnden zu vnser gnedigister herr[re] pfaltzgraue, It[em] 1/2 morg[en] ackers In diesem felde, geforcht oben vnser gnadigister herr[re]||
15 pfaltzgraue, vnden zu die kolwen, It[em] I morg[en] ackers Im zerr[re]hymel, geforcht oben zu Iuncker Pallas Schleder, vnd[en] zu Stüffenberger von dorckheym,||
16 It[em] funff virtel ackers Im kleinen felde, stost mit eym ort off die wiese, das ander ende vff fridelßheymer**** wege, geforcht oben zu Linhart Zucke-||
17 schwert, It[em] 1/2 mo[r]g[en] hinoffbase, stost auch vff die wise, geforcht oben vnd vnden Iuncker Friderich Steinhuser, It[em] 1/2 monßmaidt wiesen, geleg[en]||
18 by der monßmulen, geforcht vnd[en] zu Peter Becker, It[em] I morg[en] ackers In der kürtzen gewanden, geforcht oben zu Peter Becker, vnden zu der Monß-||
19 muler; vnd zinsen soliche gemelt ecker vnd wiesen samenthafft drithalb malder korns gein sebach, It[em] I morg[en] ackers Im kleynen felde, stost ||
20 mit eym ende off die wiesen, geforcht oben zu Hans Monßmuler, vnden zu Gotzen Iorge, ist vorhin eygen, It[em] 1/2 morg[en] ackers by dem galgen,||
21 geforcht oben zu des pferrers wiedem, vnden zu ich selber, ist vorhin eygen, It[em] myn gart[en] oben an der mulen neben dem wege, zinst vorhin||
22 eine[n] cappen, It[em] I zweitel wingarts hinder der stat, stost vff der statgraben vnd vff den fridelßheym[er] wege, geforcht oben zu Flore Dor[re]becker vnd||
23 vnden zu Hermanus Peter, ist vorhin eygen; Mit dem bescheide vnd gedinge, weliches Iars ich, Hans, oder myn erben sümige wurden vnnd||
24 die obgemelt[en] zwen gulden geltz nit reicht[en], antwort[en] vnd bezalt[en] off zit vnd ziel wie oberurte, das doch nit sin soll, So mage ein ||
25 Capellan der selben pfrund[en] vff soliche vnderpfande wethen vnd die offholen nach der stat recht vnd gewonheit zu Wachenhey[m], darInn||
26 dan ein schultheis, der dan zu zit[en] ist, setzen, schüwern[n], schirmen vnd handthaben soll glich In andern[n] der pfrund[en] eygen guter, So||
27 das also offgeholt vnd herwund[en] ist An allen Intrage vnd hinderniss myn oder myn[er] erben vnd meniglichs von vnsern wegen.||
28 Ich soll vnd will auch solich vnderpfande Ingewonlichem bauwe vnd dungunge, wie Im dan zustet, halt[en], vnd wo ich oder myn erben vnd||
29 nachkomen sumnig daran thet[en], soll gebessert werd[en] nach herkentniss erber lute, die von eym Schulthesen dartzu gegeben werdenn||
30 so dick das not beschicht vnd one mich, myn erb[e]n oder nachkomen bestumen wirt; weres auch, das sich vber kurtz oder lange herfunde, das||
31 solich obgenant vnderpfande wyter zinßt oder beschwert were dan obgemelt, was kostens die obgenant pfrunde oder besitzer der selben pfrunde||
32 des lidde oder neme, sollen vnd wollen ich, myn erben oder nachkomen naher vnd abthun glich dem heuptgelt; vnd herwieder vnnd||
33 alles, das heran geschriben stet, sollen Ich, my[n] erben oder nachkomen vns nit behelfen mit eynichen fund[en] sachen oder wege[n], die herdacht||
34 und funden oder hinfure Inkünfftig[en] ziten herdacht oder fünden mochten werd[en], die der pfrund[en] vnd Capellen In eynichen wege ge-||
35 schaden vnd mir, myne[n] erben oder nachkomen zufromen dinen mocht, geuerde vnd argenlist herInn gentzlich vermyden vnd hindan||
36 gestalt sin soll. Auch ist In diesem kauff bereth, wan ich, myn erben oder nachkomen komen XIIII tage vor Sant Iorgen, des heiligen||
37 Ritters vnd mertelers, vnd bringen samenthafft viertzige guld[en], gute von golde vnd montz, die dan zur zit genge vnd gennem sint,||
38 vnd begern[n] eyns wiederkauffs, So sollen pferher vnd kerchengeschworn[n] obgemelt die von uns nemen vnd diesen kauff wieder zu vnsern[n] ||
39 handen stellen, doch also, das all geuallen gult[en], kosten vnd schad[en] daruor daroff gegang[en] gantz ußgericht, vnd die vnderpfandt||
40 icht offgeholt sin wie obgeschriben; Vnnd zu noch merer vestikeit, dhwill sich solicher kauff vor Bürgermeister vnd rat zu wache[n]-||
41 heym gehandelt vnd begeben, So han ich, Hans obgenant, sie flissiglichen gebeten, das sie soliche vnderpfande vor sich nehmen||
42 vnd herkennen, ob solich viertzige guld[en] heuptgelts vnd die zwen guld[en] Iars dauon zugeben damit woll verlagt sy vnd der||
43 Stat wachenheym Ingesiegel one diesen brieff hencken wollen, mich myn erben vnd nachkomen zubesagen vorgeschriben dinge;||
44 Des wir, die Bürgermeister vnd Rat zu wachenheym ytzunt genant, bekennen vnd soliche vnderpfande vor vns genomen, vnnd||
45 nach dem vns Hans obgenant gesagt vnd vorgehalten, mit recht herkent haben, das die viertzige guld[en] heüptgelts vnd die ||
46 zwen gulde[en] Iars dauon zugeben mit den vnderpfanden zu dieser zit woll verlacht ist, vnd der gemelten stat Ingesiegel ane ||
47 diesen brieff thun hencken, obgeschribene dinge zubesag[en] vnd vns, das wir also heruber geweist vnd herkant haben. Geben||
48 vnd geschehen vff dinstage nach dem sontage Reminiscere Anno Do[m]ini funffczehenhundert vnnd vier.