Abschrift||
01 JCh, Johannes Bachmeyer, Der zit Glockener alhie zü Wachenheym an der hart, Bekenn mich hierJn Vnd vor||
02 meyn erben mit diesem briff vnd thü kunt allen den, die yn yemer ansehent, lesent oder horent lesen, Das Jch||
03 recht vnd redlich verkaüfft vnd zu kaüff geben hab off eyn wieder kauff, verkauff auch mit crafft dißs briffs||
04 vnser[er] lieben frauwen pfründe Jn der cappellen, Eym besitzer der selben pfrunden vnd seinen nachkomen Eyn||
05 Jerliche gült, Mit namen Eyn halben gulden gelts vmb zehen gülden Spiere[r] werunge, Der ich von pferrer||
06 vnd kerchen* geschworen vor dato dißs briffs woll gewert vnd bezalt byn vnd die Jn anderen meinen **nütz vnd||
07 fromen** gewent vnd gekert han. Solichen halben gülden gereden vnd versprech ich, Johannes, vnd vor myn erben||
08 mit rechter warheit Eym yden Cappellan gemelter pfründen vnd seinen nachkomen Alle iar Jerlichen zü||
09 geben eyns yeden Sant Martins tag, Des heiligen bischoff, vngeuerlich; vnd das soll nit hyndern[n], Jrren oder||
10 bekomern[n] dheyn vngeüell, weder gepot oder verpot der herren oder Jrer amptludt vnd dheyn ander sach, die ymant||
11 herdencken kan oder mage, üßgeschieden all geuerde vnd argenlyst; vnd des zü merer[r] sicherheit, So han ich, Jo-||
12 hannes, zü eym waren vnderpfandt geleit vnd legen auch Jn crafft dißs briffs, Mit namen drithalb morgen||
13 ackers off der heyden, zwüschen den Stepfen gegen wachenheym zu, Die ander seyte der frumessen acker,||
14 zinset vorhin i l[i]b[ram] heller spier[er] werünge Dem closter lympurge; Jt[em] meyn cleins hüßlin zwuschen||
15 mym hüß*** vnd dem abpt lympürge, Jn kranichs gassen gelegen, zinßt vorhin x s[olidos] d[enarios]. Mit solichem vnder-||
16 scheyde: weres sach, Das ich oder meyn Erben sümige wurden vnd den halben gulden gelts nit gebe vnd||
17 antworten vff zit vnd ziel, wie oben geschriben steet, Das doch nit sein soll, So soll vnd mage Eyn||
18 yeder Cappellan gemelter pfründen vnd sein nachkomen vff das vnderpfandt wethen vnd das off-||
19 holen nach gerichts recht vnd gewonheit Der statt wachenheym; DarJn dan Eyn schültheis, der zür zit||
20 ist, setzen, schuwern[n] vnd handthaben soll gleich ander der pfründen eygen güeter, So das also vffgeholt||
21 vnd herwonnen ist, vnnd mage alßdan damit thün vnd lassen an menigklichs Jntrage vnnd||
22 hindernißs meyn oder meyn[er] erben. Weres auch, das über kurtz oder lange weyter zinßs off gemelten||
23 vnderpfanden stünde oder funden wurde: was kostens oder schadens Eyn yder Cappellan gemelter||
24 pfründen neme, Soll ich, Johannes, oder meyn erben naher vnd abthun gleich dem heupt gelt;||
25 Jch vnd meyn Erben oder nachkomen sollen auch solich vnderpfandt beülich vnd wesenlich halten,||
26 wie yedem züsteet, vnd wo sümnißs daran geschehe, sol ich oder meyn erben bessern[n] zu eynen yeden||
27 zit nach herkentnißs Erbere[r] ludt, die von eynem schulthesen dartzu gegeben werden, So dick das not ge-||
28 geschicht; vnnd herwieder vnd wider alles, das hierJn vor vnd nach geschreben steet, Sol ich oder meyn||
29 Erben vns nit behelfen mit eynichen funden oder sachen, die herdacht vnd fünden mogen werden, Die Eym||
30 Cappellan gemelter pfründen vnd seinen nachkomen Jn eynichen wege schaden vnd mir oder my[n]||
31 erben gefromen mocht, Geüerde vnd argenlist gentzlich vermyden vnd hyndan gestalt seyn soll.||
32 Aüch ist bereth, wan ich oder meyn Erben komen vor Sant Jorgen tage, Des heiligen Ritters vnd mertelers, vnd||
33 bringen samenthafft zehen gülden spier[er] werünge vnnd geben die pferrer[r] vnd kirchen geschworen, so solle[n]t||
34 sie die von vns nemen, Diesen kaüff wider zulosen vndt dieser briff alßdan Crafftlose, vnmechtige vnd tode||
35 sein soll, Doch also, das all geüallen gülten, kosten oder schaden, daroff gangen were, vor hyn gantz bezalt||
36 vnd das vnderpfandt icht offgeholt sy, als vorgeschriben steet; vnnd des zü noch merer[r] sicherheit, So han Jch,||
37 Johannes obgenant, Die Ersamen, weisen Bürgermeister vnd Rath der Statt wachenheym flißigklichen gebethen,||
38 das sie das vorgenant vnderpfandt vor sich nemen vnd Erkennen, ob der obgeschriben halb gulden gelts da-||
39 mit wol verlacht sey vnd der itztgenanten statt Jngesiegel hencken an diesen briff, mich, meyn erben vnd||
40 nachkomen zu besagen, was heran geschriben steet. Das wir, die Bürgermeister vnd Rath itztgenant, vns||
41 bekennen, Das wir das vorgenant vnderpfandt vor vns genomen[n] vnd nach dem, er vns gesagt hat, gewißt||
42 vnd Erkent haben, das der halb gülden damit zü dieser zit woll verlacht ist vnd vnser stat wachenhem||
43 Jn gesiegel thün hencken an diesen briff, Jn, seyn Erben Vnd nach komen zübesagen, was heran ge-||
44 schreben steet, vnnd vns, das wir also herüber geweist vnd herkanth haben. Geben vff montag||
45 nach dem Sontage vocem Jocunditatis, Anno fünffzehen hundert vnnd Sibentzehenn.

Source Fulltext: Andreas Kuhn, M. A., Neustadt/Weinstraße. Patenschaft: Axel Oetken, Wachenheim