Omnibus Christi fidelibus A[dam] diuina permissione abbas sancti Iohannis Colecestrie eiusdemque loci conuentus salutem in domino Ad uniuersitatis uestre noticiam uolumus peruenire nos ecclesias de Takeleya de Brithlingeseya de Erdleg de Wyleyade Bercweya et medietatem iuris patronatus ecclesie de Bocstode ordinationi uirorum uenerabilium Galfridi decani sancti Pauli Petri archidiaconi Lond magistrorum Willelmi de sancte Marie Ecclesia et Hugonis de sancto Eadmundo canonicorum sancti Pauli London commisisse et de eisdem disponendi ad honorem dei et honestatem simulet utilitatem ecclesiarum beati Pauli Lond et sancti Iohannis Colecestrie liberam et plenam contulisse potestatem ad huius modietiam ordinationem petendam et prosequendam R[] priore nostro et R[] de Tynterne monacho per litteras nostras procuratoribus legitime constitutis Predicti igitur decanus et college sui in ordinatione super predictis ecclesiis deliberatione prouida processerunt prout in instrumento ab eisdem super ordinatione premissa concepto et sigillis ipsorum signato continetur Quam quidem ordinationem ratam et gratam habentes eandem sigillorum nostrorum appositione roborauimus eidem ordinationi communem et unanimum prebentes assensum Et ut de hac nostra ratihabitione et consensu plenius futuris possit constare temporibus presenti scripto sigilla nostra apposuimus Hiis testibus Alexandro thesaurario Iohanne precentore magistris Willelmo de sancte Marie Ecclesia Willelmo de Lichefeld H[] sancti Pauli canonicis et Willelmo de Lodnes Willelmo de Welleburn Iohanne Belemanis canonicis Sancti Pauli Ricardo capellano archidiaconi Lond Sawardo Iohanne Petro Uirgilio et aliis

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.