Sciant presentes et futuri quod ego Simon filius Thome de Oxonia Operarii dedi et concessi liberaui et quietumclamaui et presenti carta confirmaui pro me et heredibus meis in perpetuum deo et ecclesie sancte Marie de Oseneya et canonicis in ea deo seruientibus totum tenementum meum angulare quod est iuxta uicum qui dicitur Kiboldestrete in parochia sancti Iohannis Oxonie continens spacium quadraginta duorum pedum in longitudine et duodecim pedum in latitudine cum edificiis et omnibus pertinenciis suis sine ullo retinemento que aliquando emi de Willelmo de sancto Iohanne tenend et habend dictis ecclesie et canonicis bene et in pace libere et quiete in perpetuum reddendo inde annuatim capitalibus dominis uiginti quinque denarios scilicet ad Pentecosten in quarta feria xii d et obolum et in festo sancti Michaelis xii d et obolum pro omni seruicio seculari exactione et demanda Et ego Simon [...] Pro hac autem donacione [...] dederunt michi dicti canonici uiginti solidos argenti In cuius rei testimonium presenti scripto sigillum meum apposui hiis testibus Galfrido de Stokwelle tunc maiore Oxonie Philippo Molendinario Petro filio Toraldi Roberto Mercer Ada Feteplace Ricardo Aurifabro Waltero de Oseneya et multis aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.