Sciant presentes et futuri quod ego Stephanus filius Reginaldi de Baile et ego Walterus frater eiusdem Stephani reliquimus et quietum clamauimus Roberto filio Ricardi camerarii de Saundon[] et illis quibus donare uel vendere uel aliquo modo assignare uoluerit totum ius nostrum et clamium et calumpniam que habuimus in terra illa que fuit Reginaldi patris nostri que est proxima domui que fuit Nicholai quondam archidiaconi et postmodum magistri Nicholai nepotis ipsius Nicholai quondam archidiaconi ita quod nec nos nec heredes nostri nec aliquis homo per nos uel pro nobis aliquid in predicta terra siue in pertinenciis suis habere uel exigere uel clamare poterimus Pro hac autem quieta clamatione prefatus Robertus dedit nobis duas marcas argenti Hiis testibus Henrico tunc maiore London[] Thoma de Hauerhull[] et Hamone Brant tunc uicecomitibus London[] Rogero filio Alani et aliis

Source Fulltext: Early Charters of the Cathedral Church of St. Paul, London. Marion Gibbs. Camden Third Series, V.58. Offices of the Royal Historical Society. London. 1939.