Omnibus Sancte matris ecclesie filiis presentem cartam inspecturis vel audituris Hauisa priorissa de Clerek[] et eiusdem loci conuentus eternam in domino salutem Nouerit vniuersitas vestra nos vnanimi assensu et communi consilio tocius capituli nostri concessisse dimisisse et presenti carta nostra confirmasse Stephano Iuueni ciui Lond[] totum ius et quicquid habuimus vel habere potuimus in toto illo tenemento cum pertinenciis in parochia Sancti Magni Martyris Lond[] inter domum Iohannis Hanin versus occidentem et domum Willelmi Horn versus occidentem habend et tenend dicto Stephano et heredibus suis vel cuicumque dare legare vendere vel assignare voluerit in feodo et hereditate libere et quiete bene et in pace integre finabiliter reddendo inde annuatim nobis et successoribus nostris dimidiam marcam argenti pro omni seruitio et rebus cunctis ad duos terminos anni scilicet ad pascham quadraginta den[] et ad festum Sancti Michaelis xl den ita quod nos nec successores nostre vel aliquis per nos vel pro nobis poterimus nec debemus dictum Stephanum vel heredes siue suos assignatos vt predictum est dehospitari tam nos vel aliquem hominem vel feminam ibidem hospitandi nec amplius inde exigere capere clamare vel habere in perpetuum nisi predictam dimidiam marcam argenti annuatim terminis prenominatis In cuius rei testimonium cartam in modum cyrographi confectam quam dictus Stephanus de nobis inde habet sigillo autentico capituli[] nostri roborauimus cuius transscriptum sigillo dicti Stephani signatum penes nos retinuimus Hiis testibus Gerardo Bath tunc maiore Lond[] Roberto Hardel Roberto de Fulenham Eadwardo de Fuleham

Source Fulltext: Cartulary of St. Mary Clerkenwell. W. O. Hassal. Camden Third Series, V.71. Offices of the Royal Historical Society. London. 1949.