Anno ab incarnatione domini m cc tricesimo nono facta est hec compositio inter canonicos de N ex una parte et inter monachos de Wardon ex altera scilicet quod dicti canonici dederunt et concesserunt et hoc presenti scripto confirmauerunt prefatis monachis de W quatuordecim acras terre arabilis et unam rodam in campo del South de Gold cum omnibus pertinentiis et libertatibus suis uidelicet in escambium pro tanta terra arabili cum omnibus pertinentiis suis et cunctis libertatibus suis in eodem campo de Gold Dicte uero terre quas receperunt predicti monachi de dictis canonicis sic iacent scilicet in Bradeweywoude due acre que fuerunt Ricardi le Chyld et una acra que abuttat super Bradewey et iacet iuxta terram predictorum monachorum item tres acre et dimidia que abuttant super Bradewey item super Wathhegfurlonge dimidia acra et super Guldenegore tres rode et super le Rugwey dimidia acra item super Kyngesrusse due acre item dimidia acra que abuttat super le lake et super Holesendresden dimidia acra item forarium de Holensendresden quod iacet pro dimidia acra et una roda iacet iuxta illud forarium et una alia roda que abuttat super idem forarium una acra super le Longlond item in Wathe Westfeld inter fossas tres rode item in eodem iacent quinque rode item iuxta fossam de Puttenho una roda et dimidia et abuttant super Wathewestefeld item dimidia acra super Manhul in Walecroft dimidia acra que abuttat super Godeshoslade item dimidia acra in Puttenhostrete iuxta semitam ecclesie in campo del Est una acra que abuttant super Brunescroft item due rode que abuttant super Colyereswey item una acra iacet super superiorem Brache iuxta forarium predictorun monachorum item due acre que extendunt se ultra uiam sancti Neoti item subtus prefatam uiam una acra et desuper uiam una acra et una roda item dimidia acra que abuttat super Rauenysbroc item una acra iacet apud Wylienebrugge item una dimidia roda iacet in Estfeld super superiorem Brache que datur a dictis canonicis ad implendum defectum totius dicte terre Partes autem terrarum quas prefati canonici de N receperunt de predictis monachis de W sic iacent scilicet due rode subtus curiam dictorum canonicorun uersus orientem item in le Lowe sex rode item ad Lifingeshauedlond una acra et dimidia item una acra et dimdidia qui extendunt se uersus aquam que uocatur le Suthre item super eandem aquam iacent tres rode item una roda que abuttat super predictas rodas item in Middelfurlong tres acre item dimidia acra que abuttat super Prestemade item una acra in Middelfurlong item tres rode que abuttant super Bradewey item una acra iacet iuxta pratum et abuttat super Bradewey item una acre que abuttant super fossam molendini item in campo de Westfeld una acra que abuttat super Mulnedich item due acre in longum de Mulnedich item dimidia acra in Offinesbroc item super le Lowe una roda et dimidia item in le Longelond una acra et dimidia item in Estfeld due acre que abuttant super Rauenysbroc item apud Ryecroft desptem rode item super Lymbuttes quatuor rode item super Brerifurlong due acre item dimidia acra que se extendit ultra uiam sancti Neoti extra Goldint Predicti autem monachi de Wardone habebunt et tenebunt prefatas terras escambiatas de dictis canonicis libere quiete bene et in pace sine ullo retenemento absque omni genere seruitii et omnimoda exactione consuetudine et demanda Prefati uero canonici de N warantizabunt prefatis monachis prenominatas terras cum omnibus pertinentiis suis et cunctis libertatibus suis in omnibus sicut prescriptum est contra omnes homines et feminas et defendent erga omnes dominos de omni terreno seruitio inperpetuum omni eodem modo simpliciter et eadem forma secundum quod supra scriptum est facient sepedicti monachi de W dictis canonicis de N de omnibus prefatis terris ab eisdem in escambium receptis Item firmiter memorandum quod si aliquo modo contingat ut dicti canonici non possunt in aliquo predictas terras sepefatis monachis warantizare dabunt eis escambium ad ualentiam tante terre loco competenti quantam non ualebunt warantizare simili modo et per omnia facient dicti monachi predictis canonicis ita ut in nullo inter prefatas partes aliquid aduersi oriri possit nec debeat Ad hanc uero compositionem ex utraque parte firmiter et fideliter tenend subiecerunt se dicte partes iurisdictioni illius qui pro tempore fuerit archidiaconus Bed uel cui uices suas commiserit ita ut ipsi tantum modo possint easdem partes compellere per censuram ecclesiasticam si alii in aliquo contra istam compositionem contrauertere attemptauerint Renuntiauerunt etiam in hoc facto omni cauillationi impetrationi et omni iuris remedio et cuiuslibet alterius iudicis iurisdictioni Et ad omnimodam huius compositionis securitatem apposita sunt sigilla partium partibus huius scripti ad modum cirographi confecti scilicet illi parti quam habent monachi appositum est sigillum conuentus de N simul cum sigillo prioris eiusdem loci et illi parti quam habent dictus conuentus de N appositum est sigillum abbatis de W Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.