Hec est conuentio facta inter Iulianam abbatissam Sancte Trinitatis de Cadamo et eiusdem loci conuentus ex parte una et Letitiam relictam magistri Iohannis de Warlemonte et filios eius ex altera de consensu et uoluntate Radulfi Seman patris predicte Leticie et Thome filii Osberti de quo predicta Letitia et filii eius mesuagium suum tenent iuxta terram Willelmi Holdeburch et Willelmi filii Martini et Iohannis de Horstede et Roberti Anglici et Iohannis Ruffi et Henrici Pincerne Uidelicet predicta abbatissa et eiusdem loci conuentus remiserunt quinque solidos et quattuor denarios argenti quod magister Iohannis de Warlemonte et heredes sui debeant reddere predicte abbatisse annuatim et eiusdem loci conuentui pro xxv acris terre in Pirifeld scilicet de qualibet acra quatuor denarios ad duos terminos anni scilicet ad Pascha et ad festum Sancti Michelis in excambio totius tenementi integre in comitatu Gloucestrie quod magister Iohannes de Warlemonte melius et liberius aliqua die possedit Ita scilicet quod predicta Letitia et pater suus de consensu et uoluntate predictorum nobis et nostre ecclesie remiserunt omnes partes uillenag quas magister Iohannes de Warlemonte adquisierat apud Felstede et aulam cum solario integre Item nos abbatissa et conuentus concessimus predicte Leticie et heredibus suis dimidiam uirgatam terre cum pertinentiis uillenag habend et tenend sibi et heredibus suis de nobis per consuetudines et seruitia que de predicta terra solent fieri et debent Scilicet illam dimidiam uirgatam terre quam magister Iohannes de Warlemonte emit de Willelmo Holdeburch in uilla de Felstede Preterea dimisimus et concessimus predicte Leticie et heredibus suis medietatem prati quod fuit Willelmi Ostrild cum pertinentiis iuxta pontem de Dunmawe In cuius rei testimonium predicta Letitia et Radulphus Seman et Thomas filius Osberti et Henricus Pincerna et Willelmus Martin et Robertus Pincerna et Iohannes de Horsted parti cyrographi que penes abbatiam remaneat sigilla sua apposuerunt Actum anno regni regis Henrici filii regis Iohannis xxv Hiis testibus etc

Source Fulltext: Charters and Custumals of the Abbey of Holy Trinity Caen. John Walmsley. The French Estates. British Academy. Oxford University Press. London. 1994 .