Sciant presentes et futuri quod ego Mauricius de Olmested[] dedi et concessi et presenti carta mea confirmavi Willelmo filio Huberti de Swapham pro homagio et servicio suo et pro viginti solidis quos michi dedit in gersumam Gilbertum filium Petri de Olmested[] qui fuit nativus meus cum omnibus catallis suis et cum tota sequela sua et cum omnibus ex eo exeuntibus tam maribus quam feminis et totam terram cum edificiis et pertinentiis et pratis quam idem Gilbertus tenuit de me in villa de Olmested[] tenendum et habendum de me et heredibus meis illi et heredibus suis vel cuicumque dare vendere legare vel assignare voluerit preterquam domui religionis libere quiete et hereditarie reddendo inde annuatim michi et heredibus meis duodecim denarios pro omnibus serviciis consuetudinibus et demandis ad duos terminos anni scilicet ad Pascha 6 denarios et ad festum sancti Michaelis 6 denarios Et ego predictus Mauricius et heredes mei warantizabimus predicto Willelmo et heredibus suis predictum Gilbertum cum omnibus catallis suis et cum tota sequela sua et cum omnibus ex eo exeuntibus tam maribus quam feminis et totam terram et pratum cum edificiis et pertinentiis omnibus sicut predictum est Hiis testibus Rogero filio Bernardi Simone Hurell[] Simone filio Mauricii Willelmo pistore Galfrido le Franceys Willelmo Alwin[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.