Sciant omnes ad quos presens scriptum peruenerit me Matildem filiam Roberti filii Ricardi Molendinarii de Ailriches penitus relaxauisse et in perpetuum quietum clamauisse deo et ecclesie Sancte Crucis de Waltham et canonicis regularibus ibidem deo seruientibus omne ius meum et clamum quod ad me et ad successores meos pertinere potuit de firma molendini de Ailriches cum dimidia uirgata terre lucrabilis Et ideo dimiserunt memorati canonici michi et meis unam uirgatam terre tenend per plenum seruitium quod de illa ante fieri solebat Sciens namque et per ipsum Robertum patrem meum ad plenum certificata quod ipse ex propria et plena uoluntate sua eandem relaxationem et quietam clamationem memorate ecclesie Sancte Crucis et canonicis de Waltham longe ante me fecerit et pro eodem facto memoratam uirgatam terre ex permissione predictorum canonicorum sibi retinuerit nullatenus contra tam sollempne patris mei factum uenire uolui uel secundum rectum uenire potui Ne igitur aliquis successorum meorum de memorata quieta clamantia memoratam ecclesiam uel canonicos in posterum uexare presumpserit sicut et pater meus ante me ita et ego in plena curia de Ailrich omne ius et clamum meum penitus et in perpetuum quietum clamaui et presenti scripto sigilli mei appositione roborato plenius confirmaui Testibus Iohanne filio Iohannis Senescallo Hay de Waltham Willelmo Napario Iacobo de Rankdik Siwardo de Ailriches Willelmo filio Gerardi Warino preposito

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.