Omnibus Christi fidelibus Ricardus dei gratia abbas de Waltham et eiusdem loci conuentus salutem in domino Nouerit uniuersitas uestra quod nos finitis tribus annis post festum Sancti Michelis anno regni Regis Henrici filii Regis Iohannis xj si Radulfus Molendinarius qui iter suum Ierosolimitanum arripuit redierit in mesagio nostro qualecumque tunc fuerit quod ex dono ipsius Radulfi habemus apud Hertford ex acomodatione nostra admittemus eum ad habend illud quamdiu uixerit ita quod numquam in uita sua poterit mesagium ipsum nec ex edifitiis spoliare nec illud alicui uendere dare uel inuadiare uel aliquo modo alibi assignare per quod nos post uitam suam inde elongamur Et quamdiu dictum mesagium dicto modo habebit reddet nobis inde singulis annis xj denarios scilicet ad Pascha tres denarios et tres ad festum Sancti Michelis Hiis testibus Willelmo filio Wigeri

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.