sciant omnes ad quos presens scriptum peruenerit quod ita conuenit inter Willelmum de la Basoch ex una parte et Willelmum de la Pentich ex altera parte ad festum sancti Micaelis proximum postquam dominus Ricardus comes Cornubie frater domini Henrici regis uenit de Garsconnia in Angliam primo scilicet quod idem Willelmus de la Basoch tradidit eidem Willelmo de la Pentich ad firmam totam terram suam de Gessich cum pratis et bosco et aliis exiamentis excepta magna curia scilicet dominicum suum et seruitium liberorum hominum cum redditu eorum et seruitium et redditum et operationes rusticorum habend et tenend per septem annos proximos sequentes reddendo annuatim quatuor libras sterlingorum et quinque solidos et x d et obolum scilicet unam medietatem ad Pascha et alteram medietatem ad festum sancti Michaelis sequens Idem uero Willelmus de la Basoch tradidit eidem Willelmo de la Pentich centum oues matrices quelibet appretiata ix d pro quibus dabit annuatim xx s et x d ad predictos terminos et insuper elapso termino septem annorum persoluat dictus Willelmus de la Pentich predicto Willelmo de la Basoch pretium predictarum ouium Recepit etiam idem Willelmus de la Pentich x boues quemlibet appretiatum septem solidos quorum similiter pretium in fine predicti termini eidem Willelmo de la Basoch restituat Tradidit etiam Willelmo unam horream et unam boueriam in curia sua de comodato scilicet bonas et integras et bene tectas quas ad predictum terminum in bono statu reddat Et sciendum est quod predictus Willelmus de la Basoche tradidit eidem Willelmo de la Pentich xvii acras seminatas bereweta et xvi acras de duabus arruris et xiii acras de una arrura et septem acras fematas post Pascha quas simili modo in fine termini predicti seminatas cultas et fematas restituat predicto Willelmo de la Basoche uel cui assignauerit In huius autem rei testimonium Willelmus de la Pentich sigillum suum huic scripto apposuit qui etiam plegios primo tenementum suum inuenit et Galfridum decanum et Ricardum Franciscum et Terri de Mulyns et Iohannem de Kericel et multos alios

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.