Omnibus Christi fidelibus ad quos presens scriptum peruenerit Alexander de Pointun salutem Noueritis quod ego Alexander de Poyntun coram liberis hominibus meis de Wermele scilicet Henrico filio Henrici Othewy Roberto filio Roberti filii Hunfridi Iohanne filio Iohannis clerici et coram aliis legalibus hominibus meis de Wermele bona uoluntate mea et consilio et assensu eorum quantum ad me pertinet concessi et dedi et presenti carta mea confirmaui in liberam et perpetuam elemosinam deo et ecclesie Sancte Crucis de Waltham et canonicis regularibus ibidem deo seruientibus licentiam et liberam potestatem ponendi conductum fontis sui ad ecclesiam suam de Waltham ducendum per feodum meum de Wermele scilicet per viginti octo perticatas terre Iohannis filii Iohannis clerici in longitudine et quadraginta quatuor perticatas in mea communi pastura in longitudine et in clauso quod communiter pertinet michi et heredibus meis et Willelmo Pincerne et heredibus suis per quadraginta duas perticatas in longitudine Que quidem perticate attingunt usque ad aquam que dicitur La Blakepole Latitudo uero omnium istarum perticarum erit ubique decem pedum Hanc autem concessionem donationem et confirmationem ego et heredes mei warantizabimus dictis ecclesie et canonicis sicut puram liberam et perpetuam elemosinam nostram contra omnes homines et omnes feminas Si uero contingat in posterum quod oporteat eos predictam terram fodere per quam conductus eorum in feodo nostro transit ad renouandum uel emendandum conductum suum et per hoc iacturam uel dampnum bladorum uel pratorum uel alio modo ego et heredes mei uel homines mei et heredes eorum incurramus ipsi per uisum quatuor legalium hominum de uineto de Wermel nobis plenarie et sine dilatione illud emendabunt Et ut hec mea concessio stabilis sit et firma inperpetuum hanc cartam meam eis inde feci et eam tam sigillo meo quam sigillis supradictorum hominum meorum per quorum feodum et terram predictus transibit conductus signatam confirmaui Hiis testibus Bartholomeo de Redham

Source Fulltext: Early Charters of Waltham Abbey. Rosalind Ransford. Studies in the History of Medieval Religion, V.2. Boydell Press. Woodbridge, Suffolk, Wolfeboro, N. H., USA. 1989.