Anno gracie millesimo ducentesimo vicesimo nono cum questio verteretur inter Benedictum priorem et canonicos de Burscou ex une parte et dominium Ricardum de Lathum ex altera ex eo quod dictus Ricardus duos solidos in quibus eis tenebatur annuatim in vita sua pro molendinis de Lathum et de Cnouseley que de eisdem canonicis tantum in vita sua tenet et duos solidos pro terra de cruce ad terminum statutum aliquociens prompte non solvit tandem in hunc modum inter eos amicabiliter est compositum videlicet quod predictus Ricardus pro duobus solidis de molendinis assignavit predictis priori et canonicis duos solidos annuatim de molendino de Lathum et de terra quam Symon molendinarius tenet in Lathum percipiendos ad nativitatem sancte Marie Virginis vel infra octabas eiusdem nativitatis per manus eiusdem Symonis vel eorum qui molendinum predictum et terram predictam imposterum tenuerint sub pena duorum solidorum ad quemlibet terminum quod si ita contigerit quod dicta firma ad dictum terminum fideliter non fuerit soluta licebit predicto priori et canonicis ingredi dictum molendinum et predictam terram tenere et possidere cum omnibus fructubus et proventibus eorumdem sine omni contradiccione mei vel meorum donec eisdem canonicis tam de firma quam de pena plene fuerit satisfactum Assignavit eciam dictus Ricardus dictis canonicis duos solidos annuatim ad predictum terminum percipiendos per manus Rogeri et Riginaldi de Cruce vel eorum qui eis successerint qui sunt et erunt ad hoc assignati pro predicto Ricardo et pro Ricardo avunculo suo pro terra de cruce Cum autem dictus Ricardus viam universe carnis ingressus fuerit tunc predicta molendina predictis priori et canonicis libera et soluta sine contradiccione alicuius redibunt et extunc predicti duo solidi qui pro molendinis solvuntur cessabunt duos autem alios solidos prenominatos heredes predicti Ricardi imperpetuum fideliter solvent ad terminum supradictum predicto priori et canonicis et sciendum est quod predicti prior et canonici de predicta terra nichil nisi firmam suam vel penam sicut prelocutum est poterunt exigere et in huius rei testimonium predictus prior et canonici ex una parte et dictus Ricardus de Lathum ex altera hoc scriptum sigillis suis hinc inde appositis roboraverunt Hiis testibus Iohanne de Mara A et W Banastr[] Alano de Windill[] Henrico de Bury Otone et aliis

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.