Sciant presentes et futuri quod ego Emma filia Radulphi de Sumeri concessi et dimisi et presenti carta mea confirmaui Ioceo ponderatori totam illam terram quam habui et que fuit predicti Radulphi patris mei in parochia ecclesie Sancti Laurentii uersus Tamisiam inter cimiterium ipsius ecclesie uersus austrum et terram que fuit Mathei Blundi aldermanni uersus aquilonem que etiam terra continet in fronte uersus uicum regalem orientali undecim ulnas et dimidiam de ulnis ferreis Regis Iohannis Anglie et in capitem occidentalem duodecim ulnas de eisdem ulnis et in longitudine ex utraque parte viginti et septem ulnas de eisdem ulnis scilicet quicquid ibidem habui in longitudine et latitudine in ligno et lapide et in rebus cuntis cum omnibus pertinentiis suis habend et tenend eidem Ioceo et heredibus suis de me et heredibus meis in feodo et hereditate libere quiete honorifice bene et in pace integre et finabiliter Reddendo inde annuatim michi et heredibus meis pro omni seruitio et exactione et rebus cuntis sex denarios esterlingorum duobus terminis anni scilicet infra octabis Pasche tres denarios infra octo dies Festi Sancti Michelis tres denarios sine causa et miskenninga et pro me et pro heredibus meis canonicis ecclesie Sancte Trinitatis London quatuor solidos annuatim duobus terminis anni scilicet infra octabis Pasche duos solidos et infra octo dies Festi Sancti Michelis duos solidos pro omnibus seruitiis et omnibus rebus Et sciendum quod ego prenominata Emma et heredes mei nullo modo poterimus nec debemus predictum Ioceum neque heredes suos de predicta terra nec pertinentiis dehospitari causa me uel heredes meos uel aliquem alium hominem uel feminam ibidem hospitando nec amplius inde exigere nec habere debemus quam predictos sex denarios per annum terminis statutis Hanc autem terram predictam integre in longitudine et latitudine et in rebus cunctis cum omnibus pertinentiis suis ego predicta Emma et heredes mei predicto Ioceo et heredibus suis contra omnes homines et feminas finabiliter debemus warantizare Pro hac igitur concessione et dimissione et warantisione et presentis carte mee confirmatione predictus Ioceus dedit michi Emme septem marcas argenti in gersummam Hiis testibus Henrico filio Ailwini tunc maiore London Roberto Winton Willelmo Hardell uicecomitibus London Iacobo aldermanno Nicholao Duket Matheo aldermanno Nicholao Wint Iohanne Sperling aldermanno Willelmo Martino fratribus eius Laurentio Duket Gocelino filio Willelmi Godwino marescallo Rogero de Cornhull Waltero fratre Thoma filio Hodierne Roberto Prell Simone Bat Edwardo de Hunilane Rogero Waleys Walter clerico

Source Fulltext: Westminster Abbey Charters, 1066-c.1214. Emma Mason, Jennifer Bray, Desmond J. Murphy. London Record Society Publications, V.25. London Record Society Publications. London. 1988.