Sciant presentes et futuri quod ego Simon forestarius et ego Emma filia Radulphi de Sumeri uxor predicti Simonis concessimus et dimisimus et presenti carta nostra confirmauimus Ioceo ponderatori totam illam terram quam habuimus in parochia ecclesie Sancti Laurentii uersus Tamisiam inter cimiterium ipsius ecclesie uersus austrum et terram que fuit Mathei Blundi aldermanni uersus aquilonem Que etiam terra continet in fronte secus uicum regis orientalem undecim ulnas et dimidiam de ulnis ferreis Regis Iohannis Anglie et in capite occidentali xj ulnas de eisdem ulnis et in longitudine ex utraque parte viginti et septem ulnas de eisdem ulnis scilicet quicquid ibidem habuimus in longitudine et latitudine in ligno et lapido et in rebus cum omnibus pertinentiis suis habend et tenend eidem Ioceo et heredibus suis de nobis et heredibus nostris in feodo et hereditate libere quiete honorifice bene et in pace integre et finabiliter Reddendo inde annuatim nobis et heredibus nostris pro omni seruitio et exactione et rebus cuntis sex denarios esterlingorum duobus terminis anni scilicet infra octabis Pasche tres denarios infra octo dies Festi Sancti Michelis tres denarios sine cauilatione et miskenninga et pro nobis et pro heredibus nostris canonicis ecclesie Sancte Trinitatis London quatuor solidos annuatim duobus terminis anni scilicet infra octabis Pasche duos solidos infra octo dies Festi Sancti Michelis ij solidos pro omnibus seruitiis et omnibus rebus Et sciendum quod ego predictus Simon et ego prefata Emma uxor predicti Simonis et heredes nostri nullo modo poterimus nec debemus prenominatum Ioceum neque heredes suos de predicta terra nec pertinentiis dehospitari causa nos uel heredes nostros uel aliquem alium hominem uel feminam ibidem hospitandi nec amplius inde exigere nec habere debemus quam predictos sex denarios per annum terminis statutis Hanc autem terram predictam integre in longitudine et latitudine et in rebus cuntis cum omnibus pertinentiis suis ego predictus Simon et ego Emma uxor predicti Simonis prenominato Ioceo et heredibus suis contra omnes homines et feminas finabiliter debemus warantizare Pro hac igitur concessione et dimissione et warantia et presentis carte nostre confirmatione predictus Ioceus dedit nobis septem marcas argenti in gersummam Hiis testibus Henrico filio Ailwini tunc maiore London Roberto Winton Willelmo Hardell tunc uicecomitibus London Iacobo aldermanno Matheo aldermanno Nicholao Duket Nicholao Wint Gocelino filio Willelmi Godwino marescallo Waltero Sue Laurentio Duket Rogero de Cornhull Roberto pistore Waltero clerico Rogero Waleys Iohanne Sperling Willelmo Martino fratribus eius Thoma filio Hodierne Simone Bat Edwardo de Honilane et pluribus aliis

Source Fulltext: Westminster Abbey Charters, 1066-c.1214. Emma Mason, Jennifer Bray, Desmond J. Murphy. London Record Society Publications, V.25. London Record Society Publications. London. 1988.