Omnibus Christi fidelibus ad quos presens scriptum peruenerit Margareta de Cressy salutem in Domino Nouerit uniuersitas uestra me tempore uiduitatis mee dedisse et hac presenti carta mea confirmasse Deo et Beate Marie et monachis de Sybetun in liberam puram et perpetuam elemosinam quadraginta solidos de molendinis meis apud Norwicum que uocantur Calcmelnes per manus firmariorum qui tempore fuerint uel per manus custodum uille de Horsford si fuerint in manu mea uel heredum meorum annuatim percipiendos ad quatuor terminos scilicet ad festum Sancti Andree decem solidos ad Pascha decem solidos ad Natiuitatem Sancti Iohannis decem solidos et ad festum Sancti Michelis decem solidos in uino oblatis cera missarum celebrationi necessariis sine diminutione expendendos Et ego et heredes mei warantizabimus dictis monachis dictum redditum contra omnes in perpetuum Qui uero predictos quadraginta solidos in alios usus quam in illos ad quos sunt specialiter assignati conuerterint et qui predictos monachos quo minus dictum redditum sine diminutione ad predictos terminos percipiant impedierint uel impedimentum procurauerint Dei et omnium Sanctorum et meam maledictionem incurrant Testibus

Source Fulltext: Sibton Abbey Cartularies and Charters. Philippa Brown. Suffolk Charters, Vs.7,8,9,10. Suffolk Records Society. Boydell and Brewer. Woodbridge, Suffolk; Dover, N. H., U.S.A. 1986-88.