Anno ab incarnatione dominicae MCXCVII septimo kal[] Augusti scilicet in crastino Beati Jacobi Pontificatus domini Hugonis Dunelmensis episcopi anno tricesimo sexto facta est haec compositio inter Germanum priorem et coventum Dunelmi ecclesiae et Adam canonicum procuratorem hospitalis S[ancti] Egidii et fratres ejusdem hospitalis ex voluntate et consensu domini Hugonis Dunelmi episcopi scilicet quod prior et monachi quietam clamaverunt imperpetuum decimam bladi di Cliftone domui S[ancti] Oswaldi de Elveta ita quod fratres dicti hospitalis nullo unquam tempore aliquam decimam de praedicta terra reddent sed tota decima bladi terrae illius sicut aliae obventiones sine omni diminutione et retractione praefato hospitali quieta remanebit imperpetuum Fratres autem dicti hospitalis in recompensationem singulis annis in perpetuum reddent super altare S[ancti] Oswaldi de Elveta in die ejusdem Sancti unum bisantium vel duos solidos Et insuper duas garbas de decima dominii de Newtone quietas clamaverunt imperpetuum praedictae ecclesiae S[ancti] Oswaldi quae a tempore Ranulphi episcopi sicut in ejusdem carta continetur usque ad illud tempus reddi solebant praefato hospitali ita quod nullo unquam tempore aliquam decimam occasione cartarum suarum vel privilegiorum exigent infra divisas villae de Newtone set tota decima bladi infra divisas ejusdem villae sicut et aliae obventiones sine omni diminutione et retractione quieta remanebunt imperpetuum ecclesiae S[ancti] Oswaldi de Elveta et ne alterutra pars ab hac compositione resilere possit in praesentia domini Hugonis Episcopi huic inde in verbo veritatis promiserunt se etiam bona fide imperpetuum servituros et ipse Episcopus eam carta sua confirmavit imperpetuum et confirmandam statuit etc

Source Fulltext: Memorials of St. Giles's, Durham. J. Barmby. Surtees Society, V.95. Surtees Society. Andrews & Co. Durham. 1896.