In nomine domini nostri Ihesu Christi nos frater Ricardus de Fissacr[] frater Henricus de Lamwrth[] ordinis predicatorum Walterus filius Petri dominus Reginaldus filius Petri Walterus de Nimet Iohannes filius Alexandri executores testamenti Herberti filii Petri notum facimus uniuersis Christi fidelibus quod dictus Herbertus filius Petri dedit concessit et in testamento suo cum corpore suo legauit et assignauit monasterio de Radingia et abbati et monachis ibidem deo seruientibus in puram et perpetuam elemosinam totam illam curiam que uocatur la Parok cum edifitiis capella et omnibus pertinentiis extra portam occidentalem ciuitatis Wintonie et sex marcatas redditus et xviii denaratos singulis annis ad Natiuitatem beate Marie percipiendas uidelicet extra burgum Wintonie de terra Bukok iiii solidos de terra quam Willelmus Delwede tenet ii s de terra quam Iohannes Alured tenet ii s de Ysemaine ii d item infra burgum Wintonie de terra Iohannis Martin in alto uico ad piscariam unam marcam item in alto uico de terra Gaufredi Barun xx s item de monachis de Wauerleia pro terra de Boueyete xl s percipiendos annuatim in die Natiuitatis beate Marie ad dictam curiam de la Parok Que omnia prefatus Herebertus predictis abbati et monachis in testamento ipsius sigillo suo signato dedit et assignauit Et in huius rei testimonium et maiorem securitatem huic scripto sigilla nostra apponi fecimus Dat apud Radingiam die dominica proxima ante Ascensionem domini anno gratie m cc xlviii

Source Fulltext: Reading Abbey Cartularies. B. R. Kemp. Camden Fourth Series, V.31,33. Offices of the Royal Historical Society. London. 1986-87 .