Anno ab incarnatione domini m cc vicesimo quinto in uigilia apostolorum Petri et Pauli ita conuenit inter W abbatem et conuentum de Wardon et H priorem et conuentum de N uidelicet quod prefati prior et conuentus de N unanimiter pro se concesserunt predictis abbati et conuentui de Ward liberam retentionem omnium decimarum prouenientium de terra illa que fuit Hugonis Mauclerc sicut clauditur nouo fossato in campo de Southziuel pro quinque solidis annuatim soluendis ecclesie de Southziuel ad festum sancti Michelis quamdiu eos ad terminum illum fideliter persoluerint ita quidem ut siue seminata fuerit predicta cultura siue ad pascuam reseruata predicta nichilominus ecclesia de Suthziuel singulis annuis predictos quinque solidos recipiet de predictis abbate et conuentu de Wardon libere et integre in termino constituto nec inde amplius exigere poterit uel debebit Et in huius rei testimonium predicti abbas et conuentus de Wardon unam partem huius cyrographi prior autem et conuentus de N alteram sigillis suis appositis munierunt Hiis testibus Henrico priore de Ward Roberto celerario Willelmo de Wilburham et aliis

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.