Omnibus Christi fidelibus presentes litteras inspecturis Willelmus prior sancti Swithuni Winton[] tociusque eiusdem loci conventus eternam in domino salutem Ad universitatis vestre noticiam volumus pervenire nos cartam pie recordacionis domini Godefridi quondam Winton[] episcopi viris religiosis abbati et conventui de Lyra concessam non cancellatam non abolitam nec in aliqua parte sui viciatam inspexisse in hec verba Omnibus Christi fidelibus [...] Hiis testibus magistro Thoma de Luckeburg[] Willelmo et Johanne capellanis Philippo de Lucy Godefrid[] Humfrid[] Stephano Symone clericis Gervasio Gaubert Nos igitur eiusdem pii patris vestigiis inherentes et ipsius in premissis omnibus et singulis concessionem et confirmacionem ratam habentes memoratis religiosis unanimi voluntate et consensu omnia supradicta concedimus et confirmamus excepta porcione in ecclesia de Caresbroc et capellis eidem adiacentibus ex taxacione et ordinacione venerabilis patris Ademari dei gratia Wint[] clerici vicario assignata quam ordinacionem et taxacionem prout ordinata est et taxata ratam habentes una cum supradictis in nostro capitulo confirmamus constituti Et ut hec nostra concessio et confirmacio firma et illibata inviolabiliter perseveret presens scriptum sigilli nostri munimine fecimus roborari Datum in capitulo nostro anno domini mccl septimo tercio nonas novembris

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.