Cum inter uenerabilem dominam Issabellam de Fortibus comitissam Albemarle et Deuonie ac dominam Insule et religiosum dominum priorem de Caresbroke uariis de causis seu de transgressionibus hinc inde factis orta esset contentio tandem communi interueniente consilio conquieuit in hunc modum quod predictus prior pro se et successoribus suis remisit et omnino quietum clamauit predicte comitisse omnem actionem quam habuit uel aliquo modo habere potuit uersus predictam comitissam occasione alicuius transgressionis sibi uel predecessoribus suis ac prioratui suo de Caresbroke aliquo tempore transacto per ipsam uel suos aliquo modo illate usque ad diem dominicam proximam post Ascensionem domini anno regni regis Edwardi nono Nec ipse nec successores sui nec aliquis nomine suo ratione alicuius transgressionis eidem priori uel suis ac prioratui suo predicto prius illate uersus predictam comitissam aliquam per se mouebit uel per suos mouere faciet questionem sed ipsam et suos de cetero uersus omnes homines super predictis ipsius prioris periculo indempnes conseruabit Et predicta comitissa predicto priori omnem actionem que ei competebat ratione predicta penitus remisit In cuius rei testimonium tam predicta comitissa quam predictus prior pro se et successoribus suis presenti scripto cyrographato alternatim apposuerunt sigilla sua Datum die et anno predictis

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.